အမျိုးသမီးငယ်တစ်ဦး ကို ခိုးပြေးပြီးနောက် သုံးနှစ်ခန့် (၂ နှစ်နှင့် ရှစ်လ) သော့ခတ်ပိတ် လှောင်ပေါင်းသင်းကာ လက်ထပ် ရန် ငြင်းဆိုခဲ့သော အမျိုးသားကို ရာဇသတ်ကြီးပုဒ်မ ၄၁၇ (လိမ် လည်မှု)ဖြင့် အမှုပြောင်းလဲဖွင့်လှစ်ကာ အာမခံပေးခဲ့ကြောင်းသတင်းရရှိသည်။
ပြစ်မှုကျူးလွန်သူဟု စွပ်စွဲခံ ထားရသော အောင်ထွန်းဟိန်း(ခ) ရှို့တီကို ဖေဖော်ဝါရီ ၂၀ ရက်တွင် ဗဟန်းရဲစခန်း၌ ၁၀ ရက် (သို့မ ဟုတ်) ၁၀ ရက်ထက်ပို၍ ချုပ် နှောင်ထားမှုအတွက် ပုဒ်မ ၃၄၄၊ မိန်းမခိုးယူမှု(သို့မဟုတ်) သွေး ဆောင်ခေါ်ယူမှု(သို့မဟုတ်)သွေး ဆောင်မှုပုဒ်မ ၃၆၆ ဖြင့် ဖမ်းဆီး အမှုဖွင့်စစ်ဆေးပြီးနောက် မတ်လ ၁၀ ရက်တွင် အာမခံပေးကာ ပြန်လည်လွှတ်ပေးခဲ့ကြောင်း ရဲအရာတစ်ဦးက ပြောသည်။
‘‘ခရိုင်ဥပဒေအကြံပေးက ပြောင်းလဲသတ်မှတ်လိုက်တာပါ။ ကျွန်တော်တို့ကတော့ အခုပုဒ်မနဲ့ တရားစွဲမယ်ဆိုရင်လည်း ကူညီ ပေးမယ်လို့ ပြောထားပါတယ်။ ကာယကံရှင်ကိုယ်တိုင်လည်း တ ရားရုံးကို ဦးတိုက်လျှောက်ပြီး တရားစွဲလို့ရပါတယ်’’ဟု ၎င်းက ပြောသည်။
အသက်(၁၈)နှစ်အရွယ် မ သီရိအောင်တင်က ၎င်း၏ရည်းစား ကိုအောင်ထွန်းဟိန်း (၂၄)နှစ်နှင့် ၂၀၁၄ ဇွန်လတွင် ခိုးရာလိုက်ပြေးခဲ့ပြီးနောက် နေအိမ်တစ်အိမ်ပြီးတစ်အိမ် ပြောင်းလဲ၍ သော့ခတ်ပိတ်လှောင်ထားခံရကြောင်း ပြောကြားခဲ့သည်။
‘‘အမှုကတော့ ပုဒ်မပြောင်း သွားတဲ့အတွက် မကျေနပ်ပါဘူး။ ညီမကို ထွက်မပြေးဘူးလား၊ အကူအညီမတောင်းဘူးလား ဆိုပြီး ပြောကြတဲ့ အသံတွေကြားပါ တယ်။ အဲဒီအချိန်မှာဘေးမှာရှိတဲ့ သူတွေကလည်း ဘယ်သူမှမကူ ညီခဲ့ပါဘူး။ ဒီလိုမျိုးနောက်လူတွေ မဖြစ်ရအောင် နောက်ဆုံးအခြေအနေအထိ အမှုရင်ဆိုင်သွားမှာပါ’’ဟု မသီရိအောင်တင်ကပြောသည်။
လူမှုကွန်ရက်ဖေ့စ်ဘွတ်ခ် စာမျက်နှာတွင် ဖော်ပြနေသည့် ဝေဖန်မှုများကို ကြားသိရသော် လည်း မိမိကဲ့သို့ အဖြစ်မှန်ပေါ် ပေါက်ရေးအတွက် ထုတ်ဖော် ပြောဆိုရဲသည့် အမျိုးသမီးမျိုး ရှိမည်မထင်ကြောင်း ၎င်းကဆို သည်။
‘‘ညီမ အဲဒီအချိန်ကကြောက် စိတ်အရမ်းရှိပါတယ်။ တချို့က ပြောပါတယ်။ အော်လိုက်ပါလား၊ ထွက်ပြေးဖို့အချိန်ရတာ ထွက်မ ပြေးဘူးလား။ ညီမ အဲဒီအချိန်မှာ ဘယ်လိုတွေနေရတယ်။ ဘယ်လို လူတွေနဲ့ဆက်ဆံရလဲဆိုတာ သိ ရင် ဒီစကားမျိုးပြောမယ်မထင်ပါ ဘူး။ ညီမလို ပြုမူခံရတဲ့ အမျိုးသ မီးငယ်တွေလည်း ရှိမယ်ထင်ပါ တယ်’’ဟု မသီရိအောင်တင်က ပြောသည်။
ယခုကဲ့သို့ လိမ်လည်ပြစ်မှု ပြစ်ဒဏ်ဖြင့် အမှုပြောင်းလဲဖွင့် လှစ်ခြင်းအပေါ် တရားလိုအမျိုး သမီး၏မိခင် ဒေါ်သန်းသန်းဝင်းက ‘‘အန်တီတို့မှာ ငွေကြေးအ ဆင်ပြေမှုတွေမရှိပါဘူး။ အခုလို အမှုက ပုဒ်မပြောင်းလိုက်တော့ အရမ်းခံစားရတယ်။ သမီးကို လည်း သုံးနှစ်လောက် အစာဝ အောင်မကျွေးဘူး။ အခန်းတွေမှာ ပိတ်လှောင်ထားတယ်။ ဒီလိုလူ မျိုးကို အာမခံပေးပြီး လွှတ်လိုက် တယ်။ ငွေများတရားနိုင်တဲ့ခေတ် ရောက်နေပြီလားလို့ မေးချင်မိပါ တယ်’’ဟုဆိုသည်။
လူမှုကွန်ရက်ဖေ့စ်ဘွတ်ခ် စာမျက်နှာတွင် သမီးဖြစ်သူကို ကားပါသည့်သူနှင့် ထည့်ပေးခဲ့ သည်ဟု ရေးသားခဲ့သူများကို သက်သေနှင့်တကွ လာရောက် ပြောဆိုခြင်းမရှိပါက တည်ဆဲဥပ ဒေအတိုင်း အမှုဖွင့်အရေးယူသွား ရန်စီစဉ်နေကြောင်း ၎င်းကဆက် လက်ပြောသည်။
‘‘ကျွန်မတို့ မိခင်တွေဟာ သားသမီးကို ရောင်းစားတဲ့သူမျိုး တွေမဟုတ်ပါဘူး။ သမီးလေး အလုပ်လုပ်ချင်တယ်ဆိုလို့ SPY ကုမ္ပဏီမှာ အလုပ်လုပ်တယ်။ ၀န်ထမ်းတွေအားလုံးကို ကြိုပို့ လုပ်ပေးတယ်။ အလုပ်ချိန်က ည ဘက်ဖြစ်တဲ့အတွက် အိမ်ရှေ့အထိလာပို့ပါတယ်။ ကျွန်မတို့ မ ဟုတ်တာလုပ်တယ်ဆိုရင် အ ထောက်အထားနဲ့ပြောပါ။ မဟုတ် ရင်တော့ တရားဥပဒေအတိုင်း အမှုဖွင့် အရေးယူသွားမယ်’’ဟု ဒေါ်သန်းသန်းဝင်းကပြောသည်။
အမှုနှင့်ပတ်သက်၍ တရား ဥပဒေအတိုင်း ပူးပေါင်းဆောင် ရွက်သွားရန် အစီအစဉ်ရှိပြီး လို အပ်သည့် အချက်အလက်များ ပြည့်စုံပါက မတ်လ ၁၅ ရက် တွင် ဗဟန်းတရားရုံး၌ အမှုကို ဦးတိုက် လျှောက်ထားမည်ဖြစ် ကြောင်း ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ အမျိုးသမီးနှင့် ကလေးဌာနမှ ဥပဒေအကြံပေး ဒေါ်သဉ္ဇာဦးက ပြော သည်။
‘‘ရာဇသတ်ကြီးပုဒ်မ ၄၁၇ ဆိုတာ ရဲအရေးမပိုင်ပါဘူး။ တ ရားရုံးကိစ္စတွေကို ၀င်ရောက်စွက် ဖက်သွားမှာ မဟုတ်ပါဘူး။ ဒါပေ မဲ့ ဥပဒေအတိုင်း ပူးပေါင်းပါဝင် ဆောင်ရွက်သွားမှာပါ။ ဒီအမှုမှာ ဘယ်သူတွေပါဝင်လဲ၊ အမှုစစ် ဆေးတဲ့အခါမှာ ပါဝင်ပတ်သက် တဲ့သူတွေ အကုန်လုံးကိုလည်း စစ် ဆေးခံရမှာပါ။ တစ်ခု စိုးရိမ်တာ က အာမခံပေးလိုက်လို့ သူထွက် ပြေးလွတ်မြောက်သွားရင် ဘယ် သူတာဝန်ယူမလဲ ဆိုတာတော့ သိချင်ပါတယ်’’ဟု ၎င်းကပြောသည်။
ရာဇသတ်ကြီးပုဒ်မ ၄၁၇ လိမ်လည်မှုပြစ်ဒဏ်အတွက် မူ လက ထောင်ဒဏ်တစ်နှစ်နှင့် ငွေ ဒဏ် သတ်မှတ်ထားသော်လည်း အသစ်ပြန်လည် ပြင်ဆင်ခဲ့သည့် ရာဇသတ်ကြီးပုဒ်မ ဥပဒေအရ ထောင်ဒဏ်သုံးနှစ်အထိသာ ချ မှတ်နိုင်ကြောင်း တရားလွှတ် တော်ရှေ့နေ ဦးမောင်မောင်ကြီး ကပြောသည်။
Credit - 7Day
No comments:
Post a Comment
စာဖတ်သူများကွန်မန်.ပေးနိုင်ပါသည်။