မော်လမြိုင်မြို့၊သရက်တောရပ်၊မန္တလေးနယ်မြေအတွင်း၌ ဇူလိုင်လ(၂၉)ရက်၊ ညနေ ၂နာရီခွဲခန့်အချိန်က မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် ညောင်ပင်လဲကျပြီးနေအိမ် (၃)လုံး ပြိုကျပျက်စီးပြီး၊ အခြားနေအိမ်၃လုံးမှာလည်း အနည်းငယ်ထိခိုက်ပျက်စီးမှုရှိခဲ့သည်ဟု ဒေသခံများထံမှ သိရသည်။
"လူတွေကတော့ ထိခိုက်ဒဏ်ရာ ရတာတွေ ဘာတွေမရှိပါဘူး။ ညောင်ပင် အမြစ်က ကြွတက်ပြီး ယိုင်လာ တာကို ရက်ကွက်ထဲမှာ နေတဲ့သူတစ်ယောက်က တွေ့ပြီး အိမ်ကလူတွေကို အမြန် ထွက်ပြီး ဘေးလွတ်ရာ ရှောင်ဖို့ ပြောလို့ လူတွေဘာမှမဖြစ်တာပဲ ကံကောင်းတယ် ပြောရမယ်။"ဟုအဆိုပါရပ်ကွက်နေ ဒေါ်ညိုက ပြောသည်။
အဆိုပါ ညောင်ပင်ပြိုလဲမှုကြောင့် လျှပ်စစ်ဓါတ်ကြိုးများ ပြတ်တောက်မှုဖြစ်ခဲ့ပြီး ရပ်ကွက်သူ ရပ်ကွက်သားများ က လျှပ်စစ်အန္တရာယ် မဖြစ်စေရန် ဖြစ်လျှင်ဖြစ်ခြင်း မီးလိုင်းများ ဖြတ်တောက်ပစ်ခဲ့သည်ဟု သိရသည်။
ညောင်ပင်ပြိုလဲမှုကြောင့် ရပ်ကွက်နေပြည်သူများက စိန်မမစာသင်တိုက်ရှိ သံဃာတော်များ ကို အကြောင်းကြားရာ၌ စာသင်တိုက်ရှိ သံဃာတော်များက ချက်ချင်းကူညီပေးခဲ့ကြောင်း သိရသည်။
"ကျွန်တော်တို့ကို ညောင်ပင်လဲတော့မယ်လို့လာပြောတာနဲ့ ကျွန်တော်သက်ဆိုင်ရာဌာနတွေကို အကုန် ဖုန်းဆက်ပြီး အကြောင်းကြားပါတယ်။ မီးသတ် လျှပ်စစ်ဝန်ထမ်းတွေလည်း လာရောက် ကူညီပေးနေကြ ပါတယ်။ စိန်မမ စာသင်တိုက်က သံဃာတွေကလည်း ပျက်စီးနေတဲ့ အပျက်အစီးတွေကို ၀ိုင်းပြီး ရှင်းလင်းအကူ အညီပေးကြပါတယ်။"ဟု အဆိုပါ ရပ်ကွက် အုပ်ချုပ်ရေးမှူး ဦးဘုန်းဝင်းက ပြောသည်။
ပျက်စီးသွားသောနေအိမ်များနှင့်ပတ်သက်ပြီး ထိုအိမ်များတွင်နေသူများကို ကူညီထောက်ပံ့ပေးရာတွင် သက်ဆိုင်ရာ မြို့နယ် အုပ်ချုပ်ရေးရုံးသို့ တင်ပြပြီး အကောင်းဆုံးပြန်လည် နေရာချထား ဆောင်ရွက် ပေးမည်ဟု ရပ်ကွက်အုပ်ချုပ်ရေးမှူးက ဆိုသည်
No comments:
Post a Comment
စာဖတ်သူများကွန်မန်.ပေးနိုင်ပါသည်။