ပုဂံညောင်ဦးလေဆိပ်၌ ခရီးသွားများအား ၂၀၁၂ ခုနှစ် မေလအတွင်းက တွေ့ရစဉ်(ဓာတ်ပုံ-ကိုနော်(ပုဂံ))
၂၀၁၂ ခုနှစ် ဇွန်လကုန်အထိ တစ်နိုင်ငံလုံးရှိ ၀င်ပေါက်အသီးသီးမှ ခရီးသွားဦးရေ ငါးသိန်းဝန်းကျင် ၀င်ရောက်ခဲ့သည့်အတွက် ယခုနှစ် ခရီးသွားတစ်သန်း ရောက်ရှိရန် မျှော်မှန်းနိုင်ပြီဖြစ်ကြောင်း ဟိုတယ်နှင့် ခရီးသွားလာရေးလုပ်ငန်း ၀န်ကြီးဌာန မှ တာဝန်ရှိသူတစ်ဦးက ပြောကြား ခဲ့သည်။
မြန်မာနိုင်ငံသို့ နိုင်ငံခြားသား ခရီးသွားများ လာရောက်ရာတွင် ရန်ကုန်ဝင်ပေါက်၊ မန္တလေးနှင့် ပုဂံဝင်ပေါက်၊ နယ်စပ်ဝင်ပေါက် စသည် တို့မှ အသီးသီးဝင်ရောက်ကြပြီး ၂၀၁၂ ခုနှစ် ဇွန်လကုန်အထိ စုစုပေါင်း ခရီးသွားဦးရေ ၄၉၇၅၅၆ ဦး ၀င်ရောက်ခဲ့ကြောင်း သိရသည်။
“အခု မိုးတွင်းမှာတောင် အရင်နှစ် မိုးတွင်းတွေနဲ့ယှဉ်ရင် ခရီးသွား မကျဘူး။ ဒီတော့ ပွင့်လင်းရာသီမှာ ခရီးသွား ပိုတက်လာမယ်လို့ ခန့်မှန်းထားတယ်”ဟု အဆိုပါ တာဝန်ရှိသူ က ပြောပြသည်။ ရန်ကုန်လေဆိပ်မှ နိုင်ငံခြားသား ခရီးသွား ဧည့်သည်များ ၀င်ရောက်မှုတွင် ၂၀၀၉ ခုနှစ် မိုးတွင်းကာလက ပျမ်းမျှ တစ်ရက် လျှင် ဦးရေ ၅၀၀၊ ၂၀၁၀ ပြည့်နှစ်တွင် ဦးရေ ၆၅၀၊ ၂၀၁၁ ခုနှစ်တွင် ဦးရေ ၇၀၀ ရှိရာမှ ၂၀၁၂ ခုနှစ်တွင် ဦးရေ ၁၀၅၀ ဦးဝင်ရောက်မှုရှိကြောင်း သိရှိရသည်။
မြန်မာနိုင်ငံသို့ စီးပွားရေးအရ လာရောက်သော ခရီးသွားများ၊ အလည်အပတ် လာရောက်သော ခရီးသွားများ စသည့်ခရီးသွား အမျိုးအစားနှစ်ခုသည် ဆတူနီးပါးတိုးတက် လာခြင်းဖြစ်ကြောင်း သိရှိရသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။