မြန်မာနိုင်ငံကို ကိုယ်စားလှယ်အဖွဲ့ လာရောက်ဆွေးနွေးခွင့်ပြုဖို့ OIC တောင်းဆို

ဆွေးနွေးဖို့ မြောက်ကိုရီးယားကို အမေရိကန်ကမ်းလှမ်း

မြောက်ကိုရီးယားအစိုးရက သူ့အနေနဲ့ နိုင်ငံတကာမှာ လိုက်နာဆောင်ရွက်ရမယ့် တာဝန်ဝတ္တရားကို လေးစားလိုက် လိုက်နာမယ်ဆိုရင် ကိုရီးယားကျွန်းဆွယ်အရေး ငြိမ်းချမ်းစွာအဖြေရှာဖို့ ညှိနှိုင်းဆွေးနွေးမယ်ဆိုပြီး အမေရိကန် နိုင်ငံခြားရေး ၀န်ကြီး ဂျွန်ကယ်ရီက ကမ်းလှမ်းလိုက်ပါတယ်။

မြောက်ကိုရီးယား အစိုးရအနေနဲ့ ဒီလိုလိုက်နာ လုပ်ဆောင်နိုင်တယ်ဆိုတာကို ရှင်းရှင်းပြသမယ်ဆိုရင် မိတ်ဘက်နိုင်ငံ တနိုင်ငံ အဖြစ်နဲ့ အမေရိကန်ပြည်ထောင်စုမှာ ညှိနှိုင်းဆွေးနွေးဖို့ အဆင်သင့်ရှိတယ်လို့ မစ္စတာကယ်ရီ က ပြောဆိုလိုက်တာပါ။
ဂျပန်နိုင်ငံခြားရေးဝန်ကြီး ဖူမီယို ကီရှီဒါနဲ့အတူ ဂျပန်နိုင်ငံ တိုကျိုမြို့မှာ ကျင်းပတဲ့ သတင်းစာရှင်းလင်းပွဲမှာ ၀န်ကြီး ဂျွန်ကယ်ရီက အခုလို ပြောဆိုလိုက်တာဖြစ်ပါတယ်။
ဒေသတွင်းမှာ အဓိက မဟာမိတ်နိုင်ငံဖြစ်တဲ့ ဂျပန်နိုင်ငံရဲ့ ကာကွယ်ရေးကို တာဝန်ယူ ကူညီပေးဖို့ အမေရိကန် အစိုးရရဲ့ စိတ်ပိုင်းဖြတ်ထားချက်ကိုလည်း ၀န်ကြီး ကယ်ရီ က ထပ်လောင်းပြောဆိုလိုက်ပါတယ်။

မြောက်ကိုရီးယားအစိုးရဟာ မကြာခင်သီတင်းပတ်တွေအတွင်းကပဲ အမေရိကန်နိုင်ငံကိုကော သူ့ရဲ့မဟာမိတ်နိုင်ငံတွေ ဖြစ်ကြတဲ့ တောင်ကိုရီးယားနဲ့ ဂျပန်နိုင်ငံတို့ကို တိုက်ခိုက်မယ်ဆိုပြီးတော့ ခြိမ်းခြောက်ထားခဲ့တာပါ။

မြောက်ကိုရီးယားရဲ့ ဒုံးပျံပစ်လွှတ်မှုနဲ့ နျူကလီးယားအစီအစဉ်တွေနဲ့ ပတ်သက်ပြီး အမေရိကန်ပြည်ထောင်စုက စီးပွားရေးအရ အရေးယူ ပိတ်ဆို့မှု လုပ်ထားတာနဲ့ အမေရိကန် တောင်ကိုးရီးယား ပူးတွဲ စစ်ရေးလေ့ကျင့်မှုတွေ ပြုလုပ်တဲ့အပေါ် လက်တုံ့ပြန်တိုက်ခိုက်မှာ ဖြစ်တယ်လို့ မြောက်ကိုရီးယားက ပြောပါတယ်။

အခုလို နျူကလီးယားအရေးနဲ့ပတ်သက်ပြီး နိုင်ငံတကာနဲ့ တင်းမာမှုတွေ ရင်ဆိုင်နေရချိန်မှာပဲ မြောက်ကိုရီးယားနိုင်ငံက နိုင်ငံတကာ မာရသွန်ပြိုင်ပွဲ တခုကို တနင်္ဂနွေနေ့မှာ အိမ်ရှင်အဖြစ်လက်ခံ ကျင်းပခဲ့ပါတယ်။ နိုင်ငံခြားသား ၁၄ ယောက်အပါဝင် ပြိုင်ပွဲဝင်သူ ၂၀၀ ကျော်ဟာ ပြုံယမ်းမြို့မှာကျင်းပတဲ့ မာရသွန်ပြိုင်ပွဲကို ၀င်ရောက် ယှဉ်ပြိုင် ခဲ့ကြပါတယ်။

Boston Marathon ဗုံးပေါက်ကွဲမှု လူ ၃ ဦးသေ ၁၀၀ ကျော်ဒဏ်ရာရ

အမေရိကန်ပြည်ထောင်စု Massachusetts ပြည်နယ် Boston မြို့မှာ ဗုံးနှစ်လုံးကွဲတာကြောင့် လူသုံးဦး သေဆုံးပြီး၊ လူ ၁၀၀ ကျော် ထိခိုက်ဒဏ်ရာ ရခဲ့ပါတယ်။ အဲ့ဒီအထဲ ၁၇ ဦးကတော့ အသက်အန္တရာယ် စိုးရိမ်ရတယ်လို့ သိရပါတယ်။
 
တနင်္လာနေ့ မာရသွန်ပြိုင်ပွဲ လုပ်နေရာမှာ ပန်းဝင်မယ့် လိုင်းအနီးမှာ ပေါက်ကွဲ သွားခဲ့တာပါ။ အဲ့ဒီနောက် သိပ်မကြာခင်မှာပဲ Boston မြို့ John F Kennedy စာကြည်တိုက်မှာလည်း နောက်ထပ် တတိယဗုံး ပေါက်ကွဲမှုဖြစ်ခဲ့တယ်လို့ လုံခြုံရေး တာဝန်ရှိသူတွေက ပြောပါတယ်။
 
အဲ့ဒီမှာတော့ အထိအခိုက် အသေအပျောက် ရှိ မရှိ မသိရပါဘူး။ ဒီဖြစ်ရပ်နဲ့ပတ် သက်လို့ သမ္မတ အိုဘားမား က အမေရိကန် ၀ါရှင်တန်စံတော်ချိန် ညနေ ၆ နာရီက မိန့်ခွန်းတို ထွက်ပြောရာမှာတော့ - ပေါက်ကွဲမှုကို ဘယ်သူလုပ်တယ်၊ ဘာကြောင့် လုပ်တယ်ဆိုတာကို စုံစမ်းဖော်ထုတ်သွားမှာဖြစ်ပြီး၊ အခုအချိန်အထိတော့ ဘယ်သူ့လက်ချက် ဖြစ်တယ်ဆိုတာ မသိရသေးဘူးလို့ ပြောသွားပါတယ်။
 

Boston ပေါက်ကွဲမှုဖြစ်ပြီးနောက် သမ္မတ မိန့်ခွန်းပြောကြားစဉ်

တာဝန်ရှိတဲ့ တဦးတယောက်ဖြစ်ဖြစ်၊ အဖွဲ့အစည်းကိုပဲဖြစ်ဖြစ် ရှာဖွေဖော်ထုတ် အရေးယူသွားမယ်လို့ သမ္မတ အိုဘားမား က ပြောခဲ့ပါတယ်။ ဒီတိုက်ခိုက်မှုဟာ စနစ်တကျ ကြိုတင်စီမံလုပ်တဲ့ တိုက်ခိုက်မှု ဖြစ်တယ်လို့ Massachusetts
ပြည်နယ် အောက်လွှတ်တော်အမတ်က ပြောပါတယ်။ ဒါပေမဲ့ ရဲဘက်ကတော့ အခင်းဖြစ်တဲ့နေရာမှာ အသေးစိတ် အခြေအနေတွေကို စစ်ဆေးဆဲရှိပါတယ်။
 
ရုပ်မြင်သံကြား သတင်းတွေမှာတော့ ပေါက်ကွဲမှု ဖြစ်သွားတဲ့ပုံတွေ၊ နောက်ပိုင်း အပျက်အစီးတွေနဲ့ သွေးအစအနတွေ ထိခိုက်သူတွေကို မြင်ရပါတယ်။ ပေါက်ကွဲ မှုဖြစ်ချိန် မာရသွန်ပြိုင်ပွဲဝင်သူပေါင်း ၂ သောင်း ၇ ထောင်လောက်ရှိပြီး၊ ပထမဆုံး မာရသွန် အပြေးသမားက ပန်းဝင်လိုင်းကို ဖြတ်ကျော်ပြီး သိပ်မကြာခင်မှာပဲ ပေါက် ကွဲမှုတွေ ဖြစ်ခဲ့ပါတယ်။
 
ပေါက်ကွဲမှုဖြစ်ပြီးတဲ့နောက် ပြိုင်ပွဲကို ရပ်လိုက်ရပါတယ်။ Boston မှာ လုံခြုံရေးတွေ ခရီးသွားလာရေးတွေကို တင်းကြပ်လိုက်တဲ့အပြင်၊ အမေရိကန်ပြည်ထောင်စု အခြားမြို့ကြီးတွေ ဖြစ်ကြတဲ့ မြို့တော် Washington D.C.၊ New York၊ Los Angeles၊ San Francisco မြို့တွေမှာလည်း လုံခြုံရေးအခြေအနေတွေကို တိုးမြှင့်လိုက်တယ်လို့ သိရပါတယ်။

ဂျပန်တက္ကသိုလ် ဂုဏ်ထူးဆောင်ဆုတွေ ဒေါ်စုလက်ခံရယူ

မြန်မာနိုင်ငံရဲ့ ဖွဲ့စည်းပုံအခြေခံဥပဒေမှာ နိုင်ငံသားတွေရဲ့ တန်းတူညီမျှမှုကို ထိခိုက်စေမယ့် ဥပဒေတွေကို တတ်နိုင်သမျှ ပြင်ရမယ်လို့ ကျိုတိုမှာ မြန်မာ မိသားစု တွေနဲ့ တွေ့ဆုံချိန် ဒေါ်အောင်ဆန်းစု ကြည်က ပြောကြားခဲ့ပါတယ်။ ဂျပန်ကို ၆ ရက်ကြာ ခရီးသွားရောက်နေတဲ့ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ကို တနင်္လာနေ့မှာ ကျိုတိုတက္ကသိုလ်က ဂုဏ်ထူးဆောင် ပါမောက္ခဘွဲ့ကို ပေးအပ်ခဲ့ပါတယ်။ မြန်မာနိုင်ငံရဲ့ လူနေမှုစနစ်ထဲမှာ အမျိုးသမီးတွေရဲ့ အခန်းကဏ္ဍနဲ့ပတ်သက်ပြီးလည်း ကျိုတိုတက္ကသိုလ်မှာ မိန့်ခွန်းပြောကြားခဲ့သလို၊ ကျိုတိုပတ်ဝန်းကျင်မှာ နေထိုင်တဲ့ မြန်မာမိသားစုတွေနဲ့ လည်း ဒေါ်အောင်ဆန်းစုကြည် တွေ့ဆုံခဲ့ပါတယ်။ အပြည့်အစုံကို ဒေါ်ခင်မျိုးသက် က တင်ပြထားပါတယ်။

 
ဂျပန်နိုင်ငံ ကျိုတိုတက္ကသိုလ်မှာ မြန်မာနိုင်ငံရဲ့ လွတ်လပ်ရေးဖခင် ဗိုလ်ချုပ်အောင်ဆန်းနဲ့ ဂျပန်နိုင်ငံအကြား ဆက်နွယ်မှုတွေနဲ့ပတ်သက်ပြီး ၁၉၈၅ ခုနှစ်ကနေ ၁၉၈၆ ခုနှစ်အတွင်း သုတေသနစာတမ်းရေးခဲ့သူ ဒေါ်အောင်ဆန်းစုကြည်ကို ကျိုတိုတက္ကသိုလ်က ဂုဏ်ထူးဆောင်ဘွဲ့ ပေးအပ်ခဲ့သလို၊ နောက် တက္ကသိုလ်တခုဖြစ်တဲ့ Ryokoku တက္ကသိုလ်ကလည်း ဂုဏ်ထူးဆောင် ပါရဂူဘွဲ့ကို ပေးအပ်ခဲ့ပါတယ်။
 
တက္ကသိုလ်နှစ်ခုစလုံးမှာ မိန့်ခွန်းပြောကြားခဲ့တဲ့ ဒေါ်အောင်ဆန်းစုကြည်က ကျိုတိုတက္ကသိုလ်က ကျောင်းသားတွေကိုလည်း မြန်မာနိုင်ငံရဲ့ လူနေမှုစနစ်ထဲမှာ အမျိုးသမီးတွေရဲ့ အခန်းကဏ္ဍ အရေးပါပုံကို ပြောကြားခဲ့တယ်လို့ ဂျပန်နိုင်ငံမှာ နေထိုင်တဲ့ ကိုမျိုးသီဟန် က ပြောပါတယ်။
 
"Kyoto University မှာ သူ Seminar ပေးပါတယ်။ Seminar ခေါင်းစဉ်ရဲ့ အကျဉ်းချုပ်ကတော့  မြန်မာနိုင်ငံမှာရှိတဲ့ လူမှုရေး စနစ်ထဲမှာ အမျိုးသမီးတွေက ဘယ်လောက်အရေးပါတယ်၊ ဘယ်လိုလုပ်နေတယ် ဆိုတာကို အန်တီက ပြောသွားပါတယ်။ ကျွန်တော်တို့ကတော့ Kyoto University ကို ၀င်ခွင့်မရပါဘူး။ ဒီက တီဗွီကကြည့်တယ်။ သတင်းက ထိုင်ကြည့်ပါတယ်။ အဲ Ryukoku University မှာက ဒီကျိုတိုမှာလာတဲ့ အန်တီရဲ့ သူငယ်ချင်းတွေပေါ့နော်၊ အန်တီ Oxford မှာသိခဲ့တဲ့ သူငယ်ချင်းတွေနဲ့ သူတို့က အရင်က ဒီကျောင်းမှာ ပါမောက္ခ လုပ်ခဲ့ကြပါတယ်။  ဒီကျောင်းက ဗုဒ္ဓဘာသာကို အခြေခံထားတဲ့ ကျောင်းဖြစ်ပါတယ်။  ဗုဒ္ဓဘာသာနဲ့ ပတ်သက်ပြီးတော့ အန်တီရော၊ အန်တီ့အမျိုးသားရော ဗုဒ္ဓဘာသာနဲ့ ပတ်သက်ပြီး လေ့လာထားတာတွေ ဒီမှာ ရှိပါတယ်။ ဒီကျောင်းနဲ့ သူတို့ ဟိုအရင်ကတည်းက အဆက်အသွယ်တွေ ရှိပါတယ်။ အဲ့ဒါကြောင့် သူတို့က အန်တီရဲ့ လုပ်ဆောင်မှုတွေကို ကြည့်ပြီးတော့ ဂုဏ်ထူးဆောင် ပါမောက္ခအဖြစ် သူတို့ ဒီကနေ့ ပေးပါတယ်။"
 
တက္ကသိုလ်ကျောင်းသားတွေနဲ့ တွေ့ဆုံရာမှာ မြန်မာနိုင်ငံမှာ လူမှုရေး အသွင်ပြောင်းလဲမှုကနေ နိုင်ငံတွင်း ဒီမိုကရေစီရေးအသွင် ပြောင်းလဲလာစေဖို့အတွက် ၀ိုင်းဝန်းပြီး ကူညီပံ့ပိုးကြဖို့ အတွက်ကိုလည်း ဒေါ်အောင်ဆန်းစုကြည်က ပန်ကြားခဲ့တယ်လို့ ဆိုပါတယ်။
ဒေါ်အောင်ဆန်းစုကြည်ဟာ ကျိုတိုတက္ကသိုလ်နဲ့ ရိုကိုကုတက္ကသိုလ်တွေကို မသွားရောက်ခင် မနက်ခင်းမှာတော့ ကျိုတိုမြို့ ၀န်းကျင်တ၀ိုက်မှာ နေထိုင်ကြတဲ့ မြန်မာမိသားစုတွေနဲ့ တွေ့ဆုံခဲ့တာပါ။
 
ဒီတွေ့ဆုံပွဲမှာ နိုင်ငံရပ်ခြားရောက်နေတဲ့ မြန်မာနိုင်ငံသားတွေနဲ့ ပတ်သက်ပြီးရော၊ မြန်မာနိုင်ငံထဲက နိုင်ငံမဲ့နေသူတွေအတွက်ပါ ရည်ရွယ်ပြီး နိုင်ငံသားတွေရဲ့ တန်းတူညီမျှမှုအပေါ်မှာ ထိခိုက်စေမယ့် ဥပဒေတွေကို တတ်နိုင်သမျှ ပြင်ရမယ်လို့ ဒေါ်အောင်ဆန်းစုကြည် က ပြောကြားခဲ့ပါတယ်။
 
"ဒီတည်ဆဲဥပဒေအရ နိုင်ငံသား ဖြစ်ပိုင်ခွင့် ရှိတဲ့သူ အားလုံးကို နိုင်ငံသားအဖြစ်နဲ့ အမြန်ဆုံး အသိအမှတ် ပြုရမယ်။  နိုင်ငံသူ နိုင်ငံသား ဖြစ်လာပြီဆိုရင် နိုင်ငံသား အားလုံးဟာ တန်းတူညီမျှမှု အခွင့်အရေး ရှိရမယ်။  အဲ့ဒါတွေကို ကျမတို့  လောလောဆယ် လုပ်ကြရမယ်။  နောက်တဆင့်က  ကျမတို့ရဲ့ နိုင်ငံသား ဥပဒေဟာ  မျှတသလား၊ မမျှတဘူးလား ဆိုတာ ကျမတို့ ကြည့်ရမယ်။ နိုင်ငံတကာရဲ့ အဆင့်အတန်းအရ  အဆင့်မှီရဲ့လား။ အဲ့ဒါကို ကျမတို့ သုံးသပ်ရမယ်။ သုံးသပ်ပြီးတော့ လိုအပ်ရင် လိုအပ်သလို ပြုပြင် ပြောင်းလဲရမယ်။ ဖြည့်ဆည်းရမယ်။"
 
မြန်မာနိုင်ငံရဲ့ ဖွဲ့စည်းပုံအခြေခံဥပဒေထဲမှာ လူပုဂ္ဂိုလ်တဦးတယောက်ကို ရည်ရွယ်ပြီး ရေးဆွဲတဲ့သဘောမျိုးတွေ ပါနေတာတွေ့ရတာမို့ ဒါမျိုး မဖြစ်သင့်ဘူးလို့လည်း ပြောပါတယ်။
 
"နိုင်ငံတနိုင်ငံရဲ့ ကံကြမ္မာနဲ့ အင်မတန်မှ ပတ်သက်နေတဲ့  ဖွဲ့စည်းပုံ အခြေခံ ဥပဒေ ဆိုတာဟာ လူပုဂ္ဂိုလ် တဦးတယောက်ကို ဦးတည်ပြီးတော့ ဘယ်တော့မှ မရေးဆွဲရဘူး။  လူပုဂ္ဂိုလ် တဦးတယောက်ကို ကာကွယ်ချင်လို့ပဲဖြစ်စေ၊  လူပုဂ္ဂိုလ် တဦးတယောက်ကို ကန့်သတ်ထားချင်လို့ပဲဖြစ်စေ  ဖွဲ့စည်းပုံ အခြေခံ ဥပဒေကို ရေးဆွဲတယ် ဆိုတာဟာ အင်မတန်မှ မသင့်တော်တဲ့ ကိစ္စပါ။"
 
ဒါ့အပြင် ကိုယ့်နိုင်ငံသားတွေကို ကိုယ်က လေးစားမှ တခြားနိုင်ငံသားတွေက ကိုယ့်နိုင်ငံသားတွေကို လေးစားမှာဖြစ်ကြောင်းနဲ့ ဒီကိစ္စဟာ အစိုးရမှာ တာဝန်ရှိတယ်လို့လည်း ပြောကြားခဲ့ပါတယ်။ ဒေါ်အောင်ဆန်းစုကြည်နဲ့ မြန်မာနိုင်ငံသားတွေရဲ့ တွေ့ဆုံပွဲနဲ့ပတ်သက်ပြီး ကိုမျိုးသီဟန် က အခုလို ပြောပါတယ်။
 
"ကျွန်တော်တို့ မနက်ဘက်မှာ Kyoto University မှာရှိတဲ့ စင်တာမှာ မြန်မာတွေနဲ့ တွေ့ပါတယ်။ မြန်မာနိုင်ငံသားတွေ မေးတဲ့ မေးခွန်းတွေအပေါ်မှာတော့ သူဖြေကြားသွားတာတွေက အများကြီး ရှိပါတယ်။  အဲ ပညာရေးနဲ့ ပတ်သက်ပြီးတော့၊ ဥပဒေရေးနဲ့ ပတ်သက်ပြီးတော့၊ နောက် လက်ရှိ တခြားနိုင်ငံတွေမှာ နေနေတဲ့ မြန်မာနိုင်ငံသားတွေရဲ့ အခွင့်အရေးနဲ့ ပတ်သက်ပြီးတော့  ဖြေသွားပါတယ်။ နောက်တော့ ရန်ကုန်တက္ကသိုလ် ပြန်လည် ထူထောင်ရေးအတွက်၊ ပညာရေးစနစ်ကို ပြုပြင်ရေးအတွက်ကို သူအမျုားဆုံး ဆွေးနွေးသွားပါတယ်။ ဒီကျွန်တော်တို့ ဂျပန်မှာရောက်နေတဲ့ မိသားစုတွေ မေးတဲ့ မေးခွန်းတွေထဲမှာ ပညာရေး မေးခွန်းက များပါတယ်။"
 
ညနေ ၄ နာရီခွဲလောက်မှာတော့ ကျိုတိုကနေ ဂျပန်နိုင်ငံအရှေ့ခြမ်းက တိုကျိုဘက်ကို ရထားနဲ့ ပြန်သွားခဲ့တယ်လို့လည်း ပြောပါတယ်။ ဒေါ်အောင်ဆန်းစုကြည်ဟာ တနင်္ဂနွေနေ့ကတော့ ဂျပန်နိုင်ငံမှာ Katsuragawa မြစ်မကြီးကနေ ပထမဆုံး ရေအားလျှပ်စစ် ထုတ်ယူတဲ့စနစ်ကို လေ့လာဖို့အတွက် ဒေသတွင်း အသေးစား ရေအားလျှပ်စစ်ထုတ် စက်ရုံကို သွားရောက်ခဲ့ပါတယ်။
 
အင်္ဂါနေ့မှာတော့ တိုကျိုမှာ ဂျပန် Diet လွှတ်တော်ကို သွားရောက်ဖို့ရှိသလို၊ ဂျပန်နိုင်ငံခြားရေးဝန်ကြီး ဖုမီယို ကီရှိဒါ (Fumio Kishida) နဲ့လည်း တွေ့ဆုံဖို့ရှိပါတယ်။ ဂျပန်နိုင်ငံကနေ မြန်မာနိုင်ငံကို မပြန်ခင်မှာ ဂျပန်ဝန်ကြီးချုပ် ရှင်ဇို အာဘေး (Shinzo Abe) နဲ့လည်း တွေ့ဆုံမှာဖြစ်ပါတယ်။

သံချပ်သစ်တွေနဲ့ မြန်မာသင်္ကြန်

ဒီနှစ်သင်္ကြန်မှာတော့ လုံခြုံရေးအတွက် အစောပိုင်းတုန်းက စိုးရိမ်မှုတချို့ ရှိခဲ့ပေမဲ့ အခုအခါမှာတော့ အေးအေးချမ်းချမ်းနဲ့ ကျင်းပနိုင်တဲ့အကြောင်း ရေကစားပွဲတော်ကို ဆင်နွှဲသူတွေက ပြောကြပါတယ်။ ရိုးရာအစဉ်အလာအတိုင်း ရေကစားတာတွေ၊ အလှူအတန်း လုပ်တာတွေကို ရန်ကုန်၊ မန္တလေး အပါအ၀င် မြို့ကြီးတွေမှာ စည်စည်ကားကား ကျင်းပနေကြတာ ဖြစ်ပါတယ်။ သင်္ကြန်အကြတ်နေ့ရဲ့ နောက်ဆုံး အခြေအနေတွေကိုတော့ စုံစမ်းထားတဲ့ ကိုကျော်သိင်္ခ က တင်ပြထားပါတယ်။
 
ဒီနေ့ မဟာသင်္ကြန် အကြတ်နေ့မှာတော့ ရန်ကုန်နဲ့ မန္တလေး မြို့ကြီးတွေမှာ သင်္ကြန်ပွဲတော်ကို ငြိမ်းငြိမ်းချမ်းချမ်းနဲ့ပဲ ဆက်လက် ဆင်နွှဲနေကြတာ ဖြစ်ပါတယ်။ ရန်ကုန်မြို့မှာ ဆိုရင်လည်း ကမ္ဘာအေးဘုရားလမ်း၊ ရွှေတိဂုံဘုရားလမ်း၊ ကန်တော်ကြီး နဲ့ အင်းလျားကန်တ၀ိုက်မှာ ရေပက်ခံကားတွေ၊ မဏ္ဍပ်တွေနဲ့ သင်္ကြန်ပွဲတော်ကို ဆင်နွှဲနေကြတာပါ။
 
အခုနှစ် ရန်ကုန်သင်္ကြန်မှာတော့ အသံချပ်ထိုးတာတွေ၊ သင်္ကြန် အလှပြကားတွေနဲ့ ရေပက်ခံသူတွေ မနှစ်ကထက် ပိုပြီးစည်ကားတာ တွေ့ရတယ်လို့ ရန်ကုန်မြို့ သင်္ကြန်ပွဲ ဆင်နွှဲနေတဲ့ ဘလော့ဂါ နေဘုန်းလတ်က ပြောပါတယ်။ မကြာသေးခင်တုန်းက သွေးထွက်သံယို ပဋိပက္ခတွေ မြို့အတော်များများမှာ ကြုံခဲ့ရပြီးတဲ့နောက် လုံခြုံရေးအတွက် စိုးရိမ်မှုတွေ ရှိခဲ့ပေမဲ့ အခုတော့ ရေကစားပွဲတွေဟာ အေးအေးချမ်းချမ်း ရှိတယ်လို့လည်း သူကပြောပါတယ်။

"အေးအေးချမ်းချမ်းပါပဲ။ ဘာမှ ပြဿနာမရှိပါဘူး။ နည်းနည်းပါးပါး မူးတာ ပြုတာလောက်ပါပဲ။ ဒီပုံစံတွေကတော့ အရင်လိုပါပဲ။ သင်္ကြန်မတိုင်ခင်ကတော့ ကောလဟာလမျိုးစုံ ထွက်ထားတော့ အားလုံး ကြောက်နေကြတာ၊ တခုခုဖြစ်မှာကို အရမ်း စိုးရိမ်နေကြတယ်ဆိုပေမဲ့ အခုအချိန်ထိတော့ ဘာမှ ထူးထူးခြားခြားတော့ မဖြစ်သေးပါဘူး။ ကျနော်ကတော့ သင်္ကန်းကျွန်း မြို့နယ်ရုံးရှေ့မှာ မဏ္ဍပ်ထိုးပြီးတော့ နေ့တိုင်း စတုဒီသာ ကျွေး တယ်ဗျာ။ တချို့ သံချပ်အဖွဲ့လေးတွေလည်း တော်တော်များများ တွေ့ရတယ်။ ၈၈ မျိုးဆက်ကလုပ်တဲ့ 'မျိုးဆက်ဆိုတဲ့ သံချပ်အဖွဲ့' တွေလည်း ကားလေးတွေနဲ့ သွားပြီးတော့ အရင်ပုံစံပေါ့။ အရင်တုန်းက နှစ်ပေါင်းများစွာ ပျောက်ကွယ်နေတဲ့ ဒီသံချပ်ကို ပြန်ပြီးတော့ ဖော်ထုတ်နေတာ တွေ့ရတယ်ခင်ဗျ"
 
ရန်ကုန်မြို့က နာရေးကူညီမှုအသင်း (ရန်ကုန်) ရဲ့ ဥက္ကဋ္ဌလည်းဖြစ်၊ နာမည်ကျော် ရုပ်ရှင်သရုပ်ဆောင် တဦးလည်းဖြစ်တဲ့ ဦးကျော်သူကတော့ အကြတ်နေ့မှာ အလှူဒါန အစီအစဉ်တွေ လုပ်ဖြစ်ခဲ့တယ်လို့ ပြောပါတယ်။ အရင်တုန်းက သတင်းမီဒီယာတွေ တင်းကျပ်လေ့ရှိတဲ့ မြန်မာနိုင်ငံမှာ ရိုးရာသင်္ကြန်သံချပ်တွေဟာလည်း ကန့်သတ်ခံရလေ့ ရှိပါတယ်။ ဒါပေမဲ့လည်း ဒီနှစ်မှာတော့ လွတ်လပ်ခွင့်တချို့ ရလာတာနဲ့အမျှ သံချပ် အစီအစဉ်တွေလည်း စလုပ်ဖြစ်တယ်လို့ ဦးကျော်သူက ပြောပါတယ်။
 
"နောက် ဒီနှစ်ကတော့ ကျနော်တို့ ပထမဆုံး သင်္ကြန် သံချပ်ပေါ့။ ကျနော်တို့ နာရေးကူညီ မှုအသင်း (ရန်ကုန်) ရဲ့ "ပေးဆပ်သူများ" သံချပ်အဖွဲ့ ကျနော်တို့ စထွက်တယ်။ ပြည်သူလူထုထဲကို"

သင်္ကြန်ရိုးရာ ရေကစားပွဲတွေကို နှစ်စဉ် စည်စည်ကားကား ကျင်းပလေ့ရှိတဲ့ မန္တလေးမှာလည်း အကြတ်နေ့ကို မြို့ခံတွေ ဆက်ကျင်းပနေကြတာပါ။ ထူးထူးခြားခြား ဆိုသလို နိုင်ငံရေးပါတီတွေပါ ပါဝင်လာတာ တွေ့ရတယ်လို့လည်း မန္တလေးမြို့ခံတယောက်က ပြောပါတယ်။
 
"မန္တလေးသင်္ကြန်ကတော့ ထုံးစံအတိုင်းပဲ ကျုံးဘေးမှာပဲ တိုးကြတာပေါ့လေ။ တောင်ဘက်ကျုံးနဲ့ အရှေ့ဘက်ကျုံးမှာပဲ ပြန်ပြီး တိုးကြတာပေါ့။ အနောက်ဘက် ကျုံးဆိုတာကလည်း မဏ္ဍပ်က ၃ ခုလောက်ပဲ ရှိတာ၊ မြောက်ဘက်ကျုံးမှာဆိုရင် မဏ္ဍပ်တခုမှကို မရှိဘူး ဒီနှစ်သင်္ကြန်မှာ။ အထူးသဖြင့် လည်တဲ့ပတ်တဲ့သူတွေကတော့ တောင်ဘက်ကျုံးရယ်၊ အရှေ့ဘက်ကျုံးရယ်ကို အဓိကထားပြီး ပျော်ကြတယ်။ မြို့ထဲမှာတော့ မဏ္ဍပ်က ကျနော်တွေ့သလောက်တော့ ဘယ်နေရာမှ မရှိဘူးဗျ။ မြို့ထဲမှာ အထူးသဖြင့် လမ်း ၈၀ တို့၊ ၈၂၊ ၈၃၊ ၈၄ လမ်းတွေမှာတော့ အလှပြယာဉ်တွေလည်း မရှိဘူး။ ရေပက် မဏ္ဍပ်တွေလည်း မရှိတဲ့အခါကျတော့ ရေပက်ခံထွက်တဲ့ သူ တော်တော်များများ ကတော့ ကျုံးမှာ ၀င်တိုးကြတာပေါ့လေ။ မန္တလေးသင်္ကြန်မှာ ဒီနှစ်မှာ ထူးထူးခြားခြား တွေ့ရတာကတော့ NLD ပါတီတခုပဲ အလှပြကား ထွက်နိုင်တာ တွေ့ရတယ်ခင်ဗျ။ ကျန်တဲ့ပါတီတွေကတော့ အလှပြကား ထွက်နိုင်တာ မတွေ့ရဘူးခင်ဗျ။ ဒါကတော့ ၂၀၁၃ မှာ ထူးထူးခြားခြားဆိုရင်တော့ နိုင်ငံရေး ပါတီတွေမှာ ပထမဆုံးထွက်တဲ့ ကားလို့ ပြောလို့ရပါတယ်ခင်ဗျ။ ချမ်းအေးသာဇံ မြို့နယ်ကနေ 'ချမ်းအေးမောင်' ဆိုတဲ့ နာမည်နဲ့ ထွက်တာပါခင်ဗျာ။"
 
အစိုးရရုံးစိုက်ရာ နေပြည်တော်မှာတော့ သမ္မတ ဦးသိန်းစိန် မိသားစု အပါအ၀င် အစိုးရ တာဝန်ရှိသူတွေ၊ နိုင်ငံတကာ သံတမန် အသိုင်းအ၀ိုင်းတွေကလည်း ပါဝင်ဆင်နွှဲတဲ့အကြောင်း အစိုးရပိုင် သတင်းတွေက ဖော်ပြပါတယ်။ မကြာသေးခင်တုန်းက သွေးထွက်သံယို ပဋိပက္ခတွေ ဖြစ်ပွားခဲ့ပြီးနောက် လုံခြုံရေးအတွက် ပူပန်မှုတွေ ရှိခဲ့တဲ့အတွက်လည်း အာဏာပိုင်တွေကတော့ လုံခြုံရေးတွေကို တိုးမြှင့်ချထားခဲ့တာလည်း ဖြစ်ပါတယ်။

သမ္မတရုံးဝန်ကြီး ဦးအောင်မင်းနဲ့အဖွဲ့ New York ကို လာမည်

မြန်မာအစိုးရရုံးဝန်ကြီး ဦးအောင်မင်းနဲ့အဖွဲ့ဟာ မကြာခင်မှာ အမေရိကန်ပြည်ထောင်စု နယူးယောက်ခ်မြို့မှာ ဒေသခံ မြန်မာတိုင်းရင်းသား မိသားစုတွေ နဲ့ တွေ့ဆုံမယ်လို့ သိရပါတယ်။ ဒီပွဲကို စီစဉ်သူ ကိုတင်မောင်အေးကို ကိုသားညွန့်ဦး က ဆက်သွယ်မေးမြန်းထားပါတယ်ရှင်။
 
မေး။          ။ ကိုတင်မောင်အေးရေ မကြာခင်မှာ ပြည်ထောင်စုဝန်ကြီး ဦးအောင်မင်း နဲ့အဖွဲ့ နယူးယောက်ခ်မြို့ကို လာမယ်။ မြန်မာမိသားစု အသိုင်းအ၀ိုင်းနဲ့လည်း တွေ့ဖို့ ဆုံဖို့ရှိတယ်လို့ သိရပါတယ်ခင်ဗျ။ ကိုတင်မောင်အေးတို့က စီစဉ်နေတယ်ဆိုတော့ အစီအစဉ်လေး ပြောပြပါဦးခင်ဗျ။ ဘယ်သူတွေပါ ပါမလဲဆိုတာ။
 
ဖြေ။           ။ "ဟုတ်ကဲ့ ပြီးခဲ့တဲ့အပတ်က သူတို့ ကျနော့်ဆီကို ဆက်သွယ်လာတယ်ပေါ့နော်။ သူတို့ ဒီကိုလာမယ်။ လာပြီးလို့ရှိရင် အချိန်ရတဲ့အချိန်မှာ မြန်မာ community နဲ့လည်း တွေ့ဆုံဆွေးနွေးချင်တယ်ပေ့ါနော်။ အဲ့တော့ ဦးအောင်မင်းနဲ့ ပါလာမယ့်သူတွေက အဓိကကတော့ မြန်မာ peace center က ပုဂ္ဂိုလ်တွေ ပါလာမယ်။ နောက်ပြီးတော့ ပြည်ထောင်စုဝန်ကြီး ဦးအောင်မင်းရယ်၊ နောက်ပြီးတော့ လူဝင်မှုကြီးကြပ်ရေးနဲ့ ပြည်သူ့အင်အား ၀န်ကြီးဌာန၀န်ကြီး ဦးခင်ရီ ပါမယ်။ နောက်ပြီးတော့ ပတ်ဝန်းကျင်ထိန်းသိမ်းရေးနဲ့ သစ်တောရေးရာ ၀န်ကြီးဌာန ၀န်ကြီး ဦးဝင်းထွန်းပါမယ်။ နောက်ပြီးတော့ ဒုတိယရှေ့နေချုပ် ဦးထွန်းထွန်းဦး သူတို့ လေးယောက်စလုံးကတော့ community နဲ့ တွေ့ဖို့ စီစဉ်ထားတယ်ပေါ့နော်။ ကျနော်တို့ အခုလာမယ့် တနင်္ဂနွေနေ့ ဧပြီလ ၂၁ ရက်နေ့မှာ နယူးယောက်ခ်က UN Plaza မှာပဲ ကျနော်တို့ တွေ့ဖို့ စီစဉ်ထားပါတယ်။ ၁ နာရီကနေ ၄ နာရီအထိပေါ့နော်။"
 
မေး။          ။ ပထမတကြိမ်တုန်းကလည်း ပြည်ထောင်စုဝန်ကြီး ဦးအောင်မင်း လာတုန်းက မြန်မာမိသားစုအသိုင်းအ၀ိုင်းနဲ့ အဲ့ဒီမှာတွေ့တယ်လို့ သိရပါတယ်ခင်ဗျ။ ဒီတခေါက်က သူတို့အနေနဲ့ ဘာတွေများ ဆွေးနွေးမယ်လို့ ကြားရပါလဲခင်ဗျ။
 
ဖြေ။           ။ "ဒီတခေါက်ကတော့ခင်ဗျ ကျနော်သိသလောက်ဆိုရင်တော့ ဒီအစီအစဉ်က သမ္မတ ဦးသိန်းစိန် ကိုယ်တိုင်လာဖို့ စီစဉ်ထားတာပေါ့နော်။ သူ့ကို ICG – International Crisis Group ကနေပြီးတော့ ဒီငြိမ်းချမ်းရေးသဘောမျိုး၊ ဒီမိုကရေစီ transition ဆုတခုကို ပေးတယ်ပေါ့နော်။ အဲ့ဒီအတွက် သမ္မတကိုယ်စား သူတို့က ဒီဘက်ကိုဝင်ပြီးတော့ လာယူတဲ့သဘောပေါ့နော်။ ဒီတခေါက်မှာတော့ အဓိကကတော့ အတွင်းထဲမှာဖြစ်နေတဲ့ သူတို့ကိုယ်တိုင် ၀င်ရောက်လုပ်ကိုင်နေတဲ့ ငြိမ်းချမ်းရေး ဖော်ဆောင်ရေး ကိစ္စတွေ၊ နောက်ပြီးတော့ မြန်မာနိုင်ငံရဲ့ လက်ရှိ နိုင်ငံရေး အပြောင်းအလဲ အခြေအနေတွေ၊ နောက်ပြီးတော့ လူမှုရေးနဲ့ စီးပွားရေး ပြောင်းလဲမှုတွေ၊ အထူးသဖြင့်တော့ တိုင်းရင်းသားရေးရာ အခြေအနေတွေပေါ့နော် အဲ့ဒါတွေနဲ့ပတ်သက်ပြီးတော့ နယူးယောက်ခ်မှာရှိတဲ့ မြန်မာ community ကို သူတို့က ရှင်းပြချင်တယ်ပေါ့နော်။ ဒီဘက်ကလည်း မေးချင်တာရှိ ရင်မေး၊ နွေးနွေးထွေးထွေး အပြန်အလှန်ပေါ့ဗျာ ဒီလိုမျိုး အရင်ကအတိုင်းပဲပေါ့
ဆွေးနွေးကြမယ်၊ ဖလှယ်ကြမယ်ပေါ့ဗျာ။ အဲ့ဒါကို အဓိကထားပြီးတော့ သူတို့ ကျနော့်ဆီ အကူအညီ တောင်းတာပေါ့နော်။ ကျနော်တို့ကလည်း တတ်နိုင်တဲ့ ဘက်က ပွဲဖြစ်အောင် စီစဉ်ပေးပါတယ်။"
 
မေး။          ။ ပထမတခေါက်တုန်းကလည်း မြန်မာ community မြန်မာမိသားစု
တွေနဲ့ အဲ့ဒီမှာ တွေ့ထားတဲ့အခါကျတော့ မြန်မာမိသားစုတွေဘက်က တုံ့ပြန်မှုပေါ့ ပထမအကြိမ်လည်း တွေ့ပြီးပြီ။ သူတို့ရဲ့ တုံ့ပြန်မှုနဲ့ပတ်သက်ပြီး ကိုတင်မောင်အေး ဘယ်လို ခန့်မှန်းမိသလဲ။
 
ဖြေ။           ။ "ကျနော့်အမြင်ဆိုရင်တော့ဗျာ သူတို့နှစ်ဘက်ပေါ့ သူတို့အတွင်းထဲကလည်း လုပ်နိုင်ကိုင်နိုင်တဲ့ဘက်က သူတို့အနေနဲ့ကလည်း အကောင်းဆုံးဖြစ်အောင် လုပ်နေပါတယ်ပေါ့နော်။ လုပ်လည်းလုပ်နေတယ်ဆိုတာ ကျနော်တုိ့ သိရပါတယ်။ ဒါပေမဲ့ ကျနော်တို့ ဒီဘက်မှာရှိနေကြတဲ့ မြန်မာ community အနေနဲ့ကလည်း အဲ့လိုမျိုး ပွင့်လင်းလာတဲ့အချိန်ကျတော့ ဖြစ်စေချင်တဲ့ ဆန္ဒတွေ၊ ဖြစ်စေချင်တာတွေ၊ ဖြစ်သင့်တာတွေကိုလည်း မြန်မြန်ဆန်ဆန် ဖြစ်စေချင်ကြတာရှိပါတယ်။ ကျနော့်အမြင်ဆိုရင်တော့ မျှော်လင့်ချက်နဲ့ လက်တွေ့မှာ အကောင်အထည်ဖော်နေတဲ့ အခက်အခဲတွေ၊ အကောင်အထည်ဖော်တဲ့နေရာ မှာ တွေ့ကြုံနေရတဲ့ အခက်အခဲတွေနဲ့ သူတို့လုပ်နေတဲ့ ဟာတွေနဲ့က နည်းနည်း ကွာဟနေတယ်ပေါ့နော်။ အဲ့ဒါလေးကို ကျနော်တို့အနေနဲ့ကလည်း တတ်နိုင်တဲ့ဘက်က လူချင်းတွေ့အောင် ကျနော်တို့ စီစဉ်ပေးတာပေါ့နော်။ ကိုယ့်တိုင်းပြည်၊ ကိုယ့်လူမျိုး၊ အပြောင်းအလဲတွေ တိုးတက်ကောင်းမွန်တဲ့ အပြောင်းအလဲတွေ ဖြစ်စေချင်တာပေါ့ဗျာ။ တခါတလေကျတော့လည်း ကျနော်တို့ စိတ်ထဲမှာ မရှင်းတာတွေ၊ သံသယတွေ၊ ပွင့်ပွင့်လင်းလင်း ဆက်ဆံခွင့် မရတာတွေ၊ မရတော့ အတိအကျ အသေအချာ မသိရဘူးပေါ့။ အဲ့ဒါတွေ အများကြီးရှိနေ တယ်ဆိုတော့ သူတို့လာတော့မှ ဒီလို အခွင့်အရေးရတော့မှ ဒီလိုမျိုး ပွဲလေးတွေလုပ်တဲ့အတွက် တဘက်နဲ့တဘက် နားလည်မှု ပိုပြီးတော့ ခိုင်မာလာမယ် တိုးတက်လာမယ်ဆိုတဲ့ မျှော်လင့်ချက်တော့ ရှိတာပေါ့နော်။"

မြန်မာ့ပညာရေး ၀ိုင်းဝန်းမြှင့်တင်ကြဖို့ ဒေါ်စုတိုက်တွန်း

မြန်မာနိုင်ငံတွင်း ပညာရေးစနစ် ပြန်လည် အားကောင်း ခိုင်မာလာဖို့ ငွေအားရော လူအားပါ ၀ိုင်းဝန်းကူညီကြဖို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် က တိုက်တွန်းလိုက်ပါတယ်။ မြန်မာနိုင်ငံရဲ့ပညာရေးစနစ်ဟာ စဉ်းစားတွေးခေါ်မှုကို အားမပေးတာကြောင့်၊ ပညာရေးစနစ် ကျဆင်းလာရတယ်လို့ ဂျပန်နိုင်ငံ တိုကျိုတက္ကသိုလ်မှာ ပြောတဲ့ မနေ့တုန်းက မိန့်ခွန်းမှာ ဒေါ်အောင်ဆန်းစုကြည်က ထည့်သွင်းပြောဆိုသွားပါတယ်။ အသေးစိတ်ကိုတော့ ကိုသားညွန့်ဦး တင်ပြထားပါတယ်။
 
မနေ့တုန်းက တိုကျိုတက္ကသိုလ်မှာ ဂျပန်ရောက် မြန်မာမိသားစုတွေနဲ့ တွေ့ဆုံတဲ့ပွဲ အတွင်း မြန်မာလူမျိုးတွေ မေးမြန်းချက်တွေကို ဖြေကြားရာမှာ အကြောင်းအရာ အတော်များများက ပညာရေးကိစ္စနဲ့ ဆက်နွယ်နေပါတယ်။ မြန်မာနိုင်ငံမှာ ပညာရေးစနစ် ကျဆင်းနေတာဟာ စဉ်းစားဆင်ခြင်မှုကို အားမပေးတဲ့ စနစ်ကြောင့်လို့ ဒေါ်အောင်ဆန်းစုကြည်က လက်ရှိ ပညာရေး သင်ကြားမှုစနစ်ကို အပြစ်တင်ပါတယ်။
 
"ကျမတို့နိုင်ငံမှာ ပညာရေးစနစ်ဟာ ကျဆင်းနေတာ တော်တော်ကြာပါပြီ။ အကြောင်းတွေကတော့ အများကြီးရှိတာပေါ့။ ဒါပေမဲ့ အားလုံးစုပုံပြီးတော့ အကြောင်းတကြောင်းတည်း ပေးရမယ် ဆိုရင်တော့ ပြည်သူပြည်သားတွေကို လွတ်လွတ်လပ်လပ် မစဉ်းစားစေချင်တဲ့ စနစ်ကြောင့်ဖြစ်တာလုိ့ ဒီလိုပဲ ကျမ ထင်ပါတယ်။ ပညာသင်လိုက်ပြီ၊ ပညာတတ်တယ်ဆိုရင် ကိုယ့်ဟာကိုယ် စဉ်းစားချင်တယ်။ ကိုယ့်ဦးနှောက်ကို ကိုယ် အသုံးချချင်တယ်။ ကိုယ့်အဖြေကိုယ် ရှာချင်တယ်။ ဒီလို ပြည်သူပြည်သားများမှာ ကိုယ့်ဦးနှောက်ကိုယ်သုံးပြီးတော့ ကိုယ့်အမြင်တွေ၊ ကိုယ့်အဖြေကိုယ်ရှာတဲ့ လုပ်နည်းလုပ်ဟန်မျိုးဆိုတာ ဘယ်အာဏာရှင်အစိုးရကမှ မနှစ်သက်ပါဘူး။ အာဏာရှင်အစိုးရများဟာ မိမိတို့ရဲ့ အလိုဆန္ဒအတိုင်းသာ ပြည်သူပြည်သားတွေကို လိုက်ပြီး စဉ်းစားစေချင်ပါတယ်။ တနည်းအားဖြင့် ပြောမယ်ဆိုရင် ကျမတို့နိုင်ငံရဲ့ ပညာရေးစနစ် ကျဆင်းရတဲ့ အကြောင်းအရင်း တခုတည်းကို ပြောပါဆိုရင် ကျမတို့ရဲ့ ပြည်သူပြည်သားတွေကို မစဉ်းစားတတ်အောင်လို့ ဦးတည်တဲ့ ပညာရေးစနစ်ကြောင့်လို့ ကျမ ပြောရပါမယ်။"
 
မြန်မာနိုင်ငံပညာရေးစနစ် ပြင်ဆင်စရာတွေ အများကြီးလိုအပ်နေပြီး၊ အခြေခံပညာရေးနဲ့ ဆရာ ဆရာမတွေ ပျိုးထောင်လေ့ကျင်ရေး အရေးပါမှုကို ဒေါ်အောင်ဆန်းစုကြည်က ပြောခဲ့ပါတယ်။
 
တချိန်တုန်းက ဒေသတွင်းမှာ ဂုဏ်သတင်းကျော်ခဲ့တဲ့ ရန်ကုန်တက္ကသိုလ်ကြီးကို ပြန်လည် မွန်းမံရေးနဲ့ အဆင့်မြင်အောင် ဆောင်ရွက်ဖို့ ရှိနေပြီးတော့၊ ဒီအတွက် ငွေအားရော လူအားပါ ပြည်ပရောက် မြန်မာတွေက ၀ိုင်းဝန်းကူညီကြဖို့လည်း ဒေါ်အောင်ဆန်းစုကြည် မေတ္တာရပ်ခံ တိုက်တွန်းသွားပါတယ်။
 
အမျိုသားဒီမိုကရေစီအဖွဲ့ချုပ်ရဲ့ ပညာရေးကော်မတီအနေနဲ့လည်း ဒီမူဝါဒကို အခြေခံပြီး ရပ်တည်ဆောင်ရွက်သွားမယ်လို့ ဒေါ်အောင်ဆန်းစုကြည်က ပြောခဲ့ပါတယ်။
"အဓိကအားဖြင့် ကျမတို့ရဲ့ ပြည်သူတွေ၊ ကျောင်းသူကျောင်းသားတွေဟာ စဉ်းစားတတ်အောင်လို့ အတွေးအခေါ် ဖွံ့ဖြိုးအောင်လို့ အဆင့်မြင့် ပညာရနိုင်ဖို့ ဒါကို ကျမတို့ ဒီကို ဦးတည်ဖို့လိုတဲ့အခါမှာ ကျမတို့ သုံးတဲ့ ဗျူဟာတွေကတော့ အခြေအနေအရ၊ အချိန်အခါအရ ပြောင်းသွားရမှာဖြစ်ပါတယ်။ နောက်ဆုံးကျတော့ ကျမတို့ အမျိုးသားဒီမိုကရေစီအဖွဲ့ချုပ်က စပြီးတော့ ၁၉၈၈ ခုနှစ်မှာ ဒီမိုကရေစီ လူ့အသိုင်းအ၀ိုင်းတခု ထူထောင်ရေးကို ကျမတို့ အဓိကထားခဲ့ပါတယ်။ ဘာဖြစ်လို့လည်းဆိုတော့ ဒီမိုကရေစီအစိုးရတခုတည်းနဲ့တင် မလုံလောက်ပါဘူး။ လူ့အသိုင်းအ၀ိုင်းကကိုက ဒီမိုကရေစီ စံနှုန်းစံထားတွေကို လက်ခံပြီးတော့ အမြစ်တွယ်အောင်လုပ်မှ ဒီမိုကရေစီစနစ်ဟာလည်း အမြစ်တွယ်မှာ ခိုင်ခံ့မှာဖြစ်ပါတယ်။"
 
တခြားအခြေအနေတွေကတော့ ပြည်ပမှာ နှစ်ရှည်လများ နေထိုင်ခဲ့တဲ့ မြန်မာလူမျိုးတွေ နိုင်ငံသားဖြစ်ခွင့် ကိစ္စတွေကို မေးမြန်းတာတွေ ပြန်လည်ဖြေကြား ဆွေးနွေးခဲ့သလို၊ နိုင်ငံခြား ရင်းနှီးမြှုပ်နှံမှုပိုင်းနဲ့ ပတ်သက်လို့လည်း ကိုယ့်နိုင်ငံတွင်းက ပြင်ဆင်ဆောင်ရွက်စရာတွေ ရှိတယ်ဆိုတာကို ပြောသွားပါတယ်။
 
"တရားဥပဒေစိုးမိုးရေး မရှိတဲ့နိုင်ငံမှာ ဘယ်လုပ်ငန်းရှင်ကမှ သိပ်ပြီးတော့ လိုလိုလားလားနဲ့ ရင်းနှီးမြှုပ်နှံမှာ မဟုတ်ပါဘူး။ ဘာဖြစ်လို့လဲဆိုတော့ ဘယ်လိုပဲ ဥပဒေတွေက ကောင်းကောင်း၊ ဥပဒေတွေရှိတဲ့ စာရွက်ပေါ်မှာတော့ ကောင်းမှာပေါ့။ ဘယ်လိုပဲကောင်းကောင်း တရားဥပဒေစိုးမိုးရေး မရှိလို့ရှိရင် ဘာမှ စိတ်ချနိုင်မှာ မဟုတ်ပါဘူး။ ဘာမှ လုံခြုံမှုမရှိဘူး။ အဲ့လိုဆိုရင်တော့ ရင်းနှီးမြှုပ်နှံမှာ မဟုတ်ပါဘူး။ ဒီလို တရားဥပဒေ စိုးမိုးရေး မရှိတဲ့နိုင်ငံမှာဆိုရင် ခဏတဖြုတ်လာပြီးတော့ အလွယ် အမြတ်ကလေး ခပ်မြန်မြန်လေး ရအောင်လုပ်ပြီးတော့ ခပ်မြန်မြန်လေး ထွက်သွားမယ့် စီးပွားရေးလုပ်ငန်းရှင်မျိုးပဲ လာပြီးတော့ ရင်းနှီးမြှုပ်နှံမှာဖြစ်ပါတယ်။ နောက်ဆုံးကျတော့ ဥစ္စာရင်လို ဥစ္စာရင်ခဲပဲ။ တချို့က ကျမနားလည်သလောက်တော့ အုပ်ချုပ်ရေးဘက်က တချို့ လူကြီးတွေဆိုရင် လာတယ်၊ လာပြီး ရင်းနှီးမြှုပ်နှံမယ်ဆိုပြီး စကားပဲ ပြောပြီး လာပဲကြည့်ပြီးတော့ ရင်းနှီးမြှုပ်နှံတာလည်း မဟုတ်ဘူးဆိုပြီးတော့ မမြှုပ်နှံတဲ့ စီးပွားရေးလုပ်ငန်းရှင်တွေကို အပြစ်ပြောချင်တယ်။ ကိုယ့်ဘက်ကိုယ် ပြန်ကြည့်ရမယ်။ ကိုယ့်နိုင်ငံမှာ ဘာလိုအပ်နေသလဲ။ စီးပွားရေးလုပ်တဲ့သူတွေဆိုတာ အကျိုးအမြတ်ရှိမှ လုပ်မှာပေါ့။"
 
မြန်မာနိုင်ငံရဲ့ ဖွဲ့စည်းပုံအခြေခံဥပဒေထဲမှာ နိုင်ငံသားတွေရဲ့ တန်းတူညီမျှမှုကို ထိခိုက်စေမယ့် ဥပဒေတွေကို တတ်နိုင်သမျှ ပြင်ရမယ်လို့ ကျိုတိုမှာ မြန်မာ မိသားစုတွေနဲ့ တွေ့ဆုံချိန် ဒေါ်အောင်ဆန်းစုကြည်က ပြောကြားခဲ့ပါတယ်။
 
တိုင်းပြည်အတွင်း ရင်ဆိုင်နေရတဲ့ အလုပ်လက်မဲ့ ပြဿနာတွေ ဖြေရှင်းနိုင်ရေး အပါအ၀င် မြန်မာနိုင်ငံရဲ့ အခြေအနေ အရပ်ရပ်ကို၊ ဂျပန်အစိုးရ ခေါင်းဆောင်တွေ၊ မြန်မာမိသားစုတွေနဲ့ တွေ့ဆုံတဲ့အချိန်မှာ ဒေါ်အောင်ဆန်းစုကြည် ပြောဆိုသွားပါတယ်။
 
ဂျပန်ကို ၆ ရက်ကြာခရီး သွားရောက်နေတဲ့ ဒေါ်အောင်ဆန်းစုကြည်ဟာ မနေ့က ကျိုတိုတက္ကသိုလ်က ဂုဏ်ထူးဆောင် ပါရဂူဘွဲ့ကို လက်ခံရယူခဲ့ပါတယ်။

ဗုဒ္ဓ ဘာသာဟာ လူ့ အခွင့် အရေးကို အခြေခံတယ်လို့ ဒေါ်စုပြော

ဂျပန် နိုင်ငံမှာ ရောက်နေတဲ့ အမျိုးသား ဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်း စုကြည်က မြန်မာနိုင်ငံမှာ အမျိုး သမီးတွေ နိုင်ငံရေးမှာ ပိုမို ပါဝင်ကြဖို့ တိုက်တွန်းလိုက် ပါတယ်။

တနင်္လာနေ့က တိုကျို တက္ကသိုလ်က ကျောင်းသား တွေနဲ့ တွေ့ဆုံ ခဲ့စဉ် ဒေါ်အောင်ဆန်း စုကြည်က ပြောခဲ့တာ ဖြစ်ပါတယ်။

အဲဒီ တက္ကသိုလ်ဟာ လွန်ခဲတဲ့ ၂၇ နှစ်က ဒေါ်အောင်ဆန်း စုကြည် သုတေသီ တစ်ဦး အဖြစ် ပညာ ဆည်းပူး လေ့လာခဲ့တဲ့ တက္ကသိုလ်လည်း ဖြစ်ပါတယ်။

ဒါ့အပြင် တိုကျိုမြို. မှာပဲ ယူကိုကု တက္ကသိုလ် ကလည်း သူ့ကို ဂုဏ်ထူးဆောင် ပါမောက္ခ အဖြစ် အပ်နှင်း တဲ့ အခမ်း အနားကို တနင်္လာ နေ့မှာပဲ ကျင်းပခဲ့ ရာမှာ လူ ၅၀၀ လောက် တက်ရောက် ခဲ့ကြ ပါတယ်။

အဲဒီ တက္ကသိုလ်ဟာ ဂျပန် နိုင်ငံမှာ ဗုဒ္ဓ ဘာသာနဲ့ ဆိုင်တဲ့ ဘာသာရပ်ကို သင်ကြားပေးတဲ့ တက္ကသိုလ် ဖြစ်တာကြောင့် ဗုဒ္ဓ ဘာသာနဲ့ ဆိုင်တဲ့ အကြောင်း အရာ တွေကို ဒေါ်အောင်ဆန်း စုကြည်က ပြောခဲ့တယ်လို့ အခမ်း အနား တက်ဖို့ ဖိတ်ကြား ခံခဲ့ရသူ အိုဆာကာ စီတီ တက္ကသိုလ်မှာ နိုင်ငံတကာ လူ့ အခွင့် အရေး ဆိုင်ရာ ပါရဂူဘွဲ့ အတွက် ကျမ်းပြုစု နေတဲ့ ကိုအောင်မြတ်ဝင်းက ပြောပါတယ်။

တက္ကသိုလ် ကျောင်းသား တွေက ဗုဒ္ဓ ဘာသာ ဆိုတာကို ဒေါ်အောင်ဆန်း စုကြည် ဘယ်လို နားလည် သလဲလို့ မေးခဲ့ ကြတာကို ဗုဒ္ဓဘာသာ ဆိုတာ ငြိမ်းချမ်းတဲ့ ဘာသာ ဖြစ်ပြီး လူ့ အခွင့် အရေးကို အခြေခံတဲ့ ဘာသာတရား ဖြစ်တယ် ဆိုတာ ဒေါ်အောင်ဆန်း စုကြည်က ပြန်လည် ဖြေခဲ့တယ်လို့ သူက ဆိုပါတယ်။

တက္ကသိုလ် နှစ်ခုကို မသွားခင် ဒေါ်အောင်ဆန်း စုကြည်က တိုကျိုမှာ မြန်မာ မိသားစု တွေနဲ့လည်း တွေ့ဆုံခဲ့ ပါတယ်။

၂၀၀၈ ခုနှစ် ဖွဲ့စည်းပုံ အခြေခံ ဥပဒေကို မပြင်ဘူး ဆိုရင် လာမယ့် ၂၀၁၅ ရွေးကောက်ပွဲဟာ လွတ်လပ်တဲ့ ရွေးကောက်ပွဲ ဖြစ်ကောင်း ဖြစ်နိုင်ပေမဲ့ မျှတမှု တော့ ရှိမှာ မဟုတ်ဘူးလို့ မေးမြန်းမှုတွေ အခြေခံပြီး အဲဒီ တွေ့ဆုံမှုမှာ ဒေါ်အောင်ဆန်း စုကြည်က ပြန်လည် ဖြေကြား ခဲ့ကြောင်း League for Democracy in Burma အဖွဲ့ရဲ့ အိုဆာကာ မြို့ ဌာနခွဲက ဦးခင်ဇော်က ပြောပါတယ်။

ဘီဘီစီ (မြန်မာပိုင်း)