"ရဲတပ်ဖွဲ့ဝင်တွေရဲ့ တာဝန်ထမ်းဆောင်မှုကို အနှောင့်အယှက်ပြုတယ်၊ ရဲတပ်ဖွဲ့ဝင်တွေကို တွန်းထိုးတယ်၊ ခြိမ်းခြောက်တယ် လူ့အခွင့်အရေး ချိုးဖောက်တဲ့သူတွေ ဆိုပြီးတော့ စွပ်စွဲတယ်၊ ဒီနေ့မှာ ကျောက်တံတားမြို့နယ် ရဲစခန်းမှာသွားပြီး အမှုရင်ဆိုင်တယ် ရဲစခန်းကနေပို့တဲ့ သဝဏ်လွှာမှာပါတဲ့ အချက်အလက်တွေဟာ မှန်ကန်မှုမရှိပါဘူး၊ ကျွန်တော်တို့အနေနဲ့လည်း ဒီလိုခြိမ်းခြောက်တဲ့ စကားတွေလည်းမပြောခဲ့ဘူး၊ တရားရုံးရောက်ရင်လည်း ချိန်းဆိုတဲ့ရုံးချိန်းတွေကိုလည်း မပျက်မကွက်လာပါမယ်ဆိုတဲ့ ကိုယ်ပိုင်ခံဝန်နဲ့ ပြန်လာခဲ့တယ်"
ကိုရဲမင်းဦးနဲ့ စကားပြောခွင့်ပေးဖို့ သူတို့ ၄ ဦးက လုံခြုံရေးယူတဲ့ရဲတပ်ဖွဲ့ကို တောင်းဆိုရာက ရုန်းရင်းဆန်ခတ်ဖြစ်ရင်းနဲ့ အခုလို တာဝန်ဝတ္တရား နှောင့်ယှက်မှုနဲ့ အမှုဖွင့်ခံရတာဖြစ်တယ်လို့လည်း ကိုချစ်ကိုလင်းက ပြောပါတယ်။
လက်ရှိအမှုဖွင့်ခံနေရသူ ၄ ဦးကတော့ ကိုချစ်ကိုလင်း၊ အဖမ်းခံနေရသူ ကိုရဲမင်းဦးရဲ့ညီ ကိုရဲမင်းအောင်၊ ကျောင်းသားသမဂ္ဂများအဖွဲ့ချုပ် ဖြစ်မြောက်ရေးကော်မတီဝင် ကိုရဲမြတ်ဟိန်းနဲ့ မနွယ်နှင်းရီ တို့ဖြစ်ပြီး သူတို့ကို ပြစ်မှုဆိုင်ရာ ပုဒ်မ ၃၅၃/ ပုဒ်မ ၅ဝ၆ တို့နဲ့ အမှုဖွင့်ထားတယ်လို့ သိရပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။