ဝီတိုရိယဆေးရုံကြီးမှ တာဝန်ရှိသူတစ်ဦးရဲ့ ပြောပြချက်အရ အဆိုပါ ဆေးရုံကြီးအား အများပိုင်ဆေးရုံကြီးအဖြစ် ဆောင်ရွက်သွားဖို့ရှိတာ ဖြစ်တယ်လို့
သိရှိရပါတယ်။ ၀ိတိုရိယ ဆေးရုံကြီးကို ၂၀၁၁ ခုနှစ် ဇွန်လပိုင်းက စတင်ဖွင့်လှစ်ခဲ့တာ ဖြစ်တယ်လို့လည်း သိရှိရပါတယ်။
လက်ရှိမှာ ကုတင် ၁၀၀ ခန့် အထွေထွေရောဂါကု အဆင့်မြင့် ဆေးရုံကြီးဖြစ်ပြီး အချိန်ပြည့် ဆရာဝန်၊ သူနာပြု ကျွမ်းကျင်ပညာရှင်နဲ့ ၀န်ထမ်းအင်အား ၅၀၀ ကျော်နဲ့ ၀န်ဆောင်မှုပေးနေတဲ့ ဆေးရုံကြီး ဖြစ်တယ်လို့လည်း သိရပါတယ်။ အခုလို ဖွင့်လှစ်ခဲ့တဲ့ကာလ အတွင်းမှာ ပြင်ပလူနာ ခုနစ်သောင်းကျော်နဲ့ အတွင်းလူနာ သုံးထောင့် တစ်ရာ ရှစ်ဆယ့်ငါး ကျော်တို့အပြင် ခွဲစိတ်ကုသမှု အနေနဲ့ နှစ်ထောင်ကျော်ကို ၀န်ဆောင်မှုပေးခဲ့ပြီး ဖြစ်တယ်လို့လည်း သိရပါတယ်။
အဆိုပါ ဆေးရုံမှ တာဝန်ရှိသူတစ်ဦးရဲ့ ပြောပြချက်အရ ၀ိတိုရိယဆေးရုံကြီးကို ကုတင် ၃၀၀ ဆန့် တိုးချဲ့ပြီး ၀န်ထမ်းများ ခန့်ထားခြင်းနဲ့ အလုပ်အကိုင် အခွင့်အလမ်း ဖန်တီးပေးသွားဖို့ရှိတာ ဖြစ်တယ်လို့လည်း သိရှိရပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။