၂၀၁၂ ခုနှစ် ရန်ကုန်သင်္ကြန် အကြတ်နေ့မြင်ကွင်း
ရန်ကုန်သင်္ကြန်အတွက် သင်္ကြန်မဏ္ဍပ် ဆောက်လုပ်ခွင့် ပါမစ်များကို စတင်ချထားပေးနေကြောင်း ရန်ကုန်တိုင်း ဒေသကြီး အစိုးရအဖွဲ့ သင်္ကြန်မဏ္ဍပ်များ နေရာချထားပေးရေး ဆပ်ကော်မတီမှ သိရသည်။
ယခုနှစ် သင်္ကြန်မဏ္ဍပ် ဆောက်လုပ်မှုများအပေါ် စည်ကမ်းပိုင်းအရ တင်းကျပ်မှု ပိုလာသည့်အပြင် သင်္ကြန်မဏ္ဍပ်များ ပေးသွင်းရမည့် အာမခံစပေါ်ငွေ၊ ရေဆက်သွယ်ခ နှုန်းထားများလည်း ယခုနှစ်တွင် တိုးမြှင့်ထားသည်ဟု သိရသည်။
ကန်တော်ကြီး ကန်ပတ်လမ်းတွင် ရေကစားမဏ္ဍပ် အကြီး ၁၅ ခု၊ ကမ္ဘာအေးစေတီလမ်းတွင် ကိုးခု၊ ပြည်လမ်း၌ လေးခု၊ ရန်ကင်း ဆရာစံပန်းခြံရှေ့တွင် တစ်ခု၊ ဘုရင့်နောင်လမ်းပေါ်တွင် ငါးခု၊ ကမ်းနားလမ်းတွင် နှစ်ခု၊ သုဝဏ္ဏအားကစားကွင်းအနီး တစ်ခု စုစုပေါင်း ၃၇ ခု ဆောက်လုပ်ခွင့် ချထားပေးမည်ဟု သိရှိရသည်။
ယခုနှစ် သင်္ကြန်မဏ္ဍပ်များ ပေးသွင်းထားရမည့် အာမခံစပေါ်ငွေအား ယခင်နှစ်က မည်သည့် မဏ္ဍပ် အရွယ်အစားမဆို ကျပ်သိန်း ၃၀ ပေးသွင်းခဲ့ရသော်လည်း ယခုနှစ်တွင် ပေ ၁၀၀ နှင့်အထက် မဏ္ဍပ် အကြီးများအတွက် အာမခံစပေါ်ငွေ ကျပ် ၇၅ သိန်း၊ ပေ ၁၀၀ နှင့် ၅၀ အကြား မဏ္ဍပ်များအတွက် ယခုနှစ်၌ စပေါ်ငွေကျပ် ၄၅ သိန်းတို့ ပေးသွင်းရန် သတ်မှတ်ထားသည်။
ရေဆက်သွယ်ခများ အနေဖြင့် ယခင်နှစ်က ကန်တော်ကြီးကန်နှင့် အင်းလျားကန်တို့မှ ရေသွယ်ယူပါက အချင်းသုံးလက်မ ပိုက်လိုင်းတစ်လိုင်းလျှင် ကျပ် ၂၂၀,၀၀၀ မှ ယခုနှစ်တွင် ကျပ် ၃၀၀,၀၀၀ ၊ ရန်ကုန်မြို့တော် စည်ပင်သာယာပိုင် ရေပိုက်လိုင်းများမှ အချင်းတစ်လက်မနှင့် တစ်လက်မခွဲ ပိုက်လိုင်းတစ်လိုင်းလျှင် ယခင်နှစ်ကျပ် ၈၀,၀၀၀ မှ ယခုနှစ် ကျပ် ၁၀၀,၀၀၀ သို့လည်းကောင်း၊ အချင်းနှစ်လက်မ ပိုက်တစ်လိုင်းလျှင် ယခင်နှစ် ကျပ် ၁၂,၀၀၀ မှ ယခုနှစ် ကျပ် ၁၅,၀၀၀ အထိ တိုးမြှင့်ထားသည်။
ရေကစားမဏ္ဍပ်များ လိုက်နာရမည့် စည်းကမ်းချက်များကို ၂၇ ချက် ထုတ်ပြန်ထားပြီး ယခုနှစ်တွင် စည်းကမ်းပိုမို တင်းကျပ်သော အချက်အနေဖြင့် ယခင်နှစ်ကကဲ့သို့ မဏ္ဍပ်တာဝန်ခံ နှစ်ဦးသာ ထားရှိရမည် မဟုတ်ဘဲ မဏ္ဍပ်ပိုင်ရှင်၊ မဏ္ဍပ်တာဝန်ခံနှင့် ဒုတာဝန်ခံ၊ မဏ္ဍပ်စည်းကမ်း ထိန်းသိမ်းရေးနှင့် ရေပက်ခံယာဉ်များ ထိန်းသိမ်းရေး တာဝန်ခံနှင့် ဒုတာဝန်ခံဟူ၍ ငါးဦးထားရှိရကြောင်း သိရသည်။
အဆိုပါ တာဝန်ခံငါးဦး အနေဖြင့် မဏ္ဍပ်စတင် တည်ဆောက်ချိန်မှ ပြန်လည်ဖျက်သိမ်းသည့် အချိန်အထိ မဏ္ဍပ် နေရာချထားပေးရေး ဆပ်ကော်မတီမှ စီမံခန့်ခွဲရေးအရနှင့် လုံခြုံရေးအရ အချိန်နှင့်တစ်ပြေးညီ ဆက်သွယ် ညွှန်ကြားနိုင်ရန်အတွက် တယ်လီဖုန်း နံပါတ်များအား အမြဲတမ်း ဆက်သွယ်မှု မပြတ်တောက်စေရန် ထားရှိရမည် ဖြစ်ပြီး တာဝန်ရှိသူများမှ အခါအားလျော်စွာ စစ်ဆေးသည့် အခါတွင် အစစ်ဆေးခံနိုင်ရေး တာဝန်ခံ(သို့) ဒု တာဝန်ခံတစ်ဦးဦး သင်္ကြန်ကာလ ပြီးဆုံးသည်အထိ မဏ္ဍပ်တွင် အချိန်ပြည့် ရှိနေရမည်ဟုလည်း ပါရှိသည်။
ယခုနှစ် ရန်ကုန်သင်္ကြန်ကို စည်ကားစွာကျင်းပရန် စီစဉ်ထားသည်ဟု ရန်ကုန်တိုင်းဒေသကြီး အစိုးရအဖွဲ့မှ ထုတ်ပြန်လိုက်သည့်နည်းတူ ပြင်ပတွင် မဏ္ဍပ်ဆောက်လုပ်လိုသူ အရေအတွက် များပြားခဲ့ကာ ကန်တော်ကြီး ကန်ပတ်လမ်းတွင် ရေကစားမဏ္ဍပ် ဆောက်လုပ်လို၍ လျှောက်ထားသူ ဦးရေ ၈၀ ကျော်ရှိသော်လည်း လက်တွေ့၌ ၁၅ နေရာသာ ချထားပေးခဲ့သည်။
ယခုနှစ်သင်္ကြန်အတွက် ထုတ်ပြန်ထားသော မဏ္ဍပ်များလိုက်နာရမည့် စည်းကမ်းချက်အချို့
| - မဏ္ဍပ်တွင် မဏ္ဍပ်ပိုင်ရှင်၊ တာဝန်ခံ၊ ဒုတာဝန်ခံ၊ မဏ္ဍပ်စည်းကမ်း ထိန်းသိမ်းရေးနှင့် ရေပက်ခံယာဉ်များ ထိန်းသိမ်းရေး တာဝန်ခံနှင့် ဒုတာဝန်ခံတို့ ထားရှိရမည်ဖြစ်ပြီး ၎င်းတို့၏ ဓာတ်ပုံ၊ အမည်၊ ဖုန်းနံပါတ်များအား ဗီနိုင်းဖြင့် ထင်သာမြင်သာအောင် ထည့်သွင်းရိုက်နှိပ် ထားရမည်၊၊ - မဏ္ဍပ်ပိုင်ရှင်၊ တာဝန်ခံ၊ ဒုတာဝန်ခံ၊ မဏ္ဍပ်စည်းကမ်း ထိန်းသိမ်းရေးနှင့် ရေပက်ခံယာဉ်များ ထိန်းသိမ်းရေး တာဝန်ခံနှင့် ဒုတာဝန်ခံများ အနေဖြင့် မဏ္ဍပ်စတင် တည်ဆောက်ချိန်မှ ပြန်လည်ဖျက်သိမ်းချိန် အထိ မဏ္ဍပ်နေရာ ချထားပေးရေး ဆပ်ကော်မတီမှ စီမံခန့်ခွဲရေးအရ သော်လည်းကောင်း၊ လုံခြုံရေးအရ သော်လည်းကောင်း၊ အခြားလိုအပ်ချက်အရ သော်လည်းကောင်း၊ အချိန်နှင့် တစ်ပြေးညီ ဆက်သွယ်ညွှန်ကြား ဆောင်ရွက်နိုင်ရန်အတွက် မိမိတို့ တရားဝင် တင်ပြထားသော တယ်လီဖုန်း နံပါတ်များအား အမြဲတမ်း ဆက်သွယ်မှု မပြတ်စေရေး ဆောင်ရွက်ထားရှိရန်နှင့် တာဝန်ရှိသူများမှ အခါအားလျော်စွာ စစ်ဆေးသည့်အခါ အစစ်ဆေးခံနိုင်ရေး တာဝန်ခံ(သို့) ဒုတိယတာဝန်ခံ တစ်ဦးဦး သင်္ကြန်ကာလ ပြီးဆုံးသည်အထိ မဏ္ဍပ်တွင် အချိန်ပြည့် ရှိနေရပါမည်၊၊ - မဏ္ဍပ်များအား ရန်ကုန်မြို့တော်စည်ပင်၏ သတ်မှတ်ခွင့်ပြုသည့် ပုံစံအတိုင်း လိုင်စင်ရ အင်ဂျင်နီယာ ကြီးကြပ်မှုဖြင့် တည်ဆောက်ရပါမည်၊၊ |
No comments:
Post a Comment
စာဖတ်သူများကွန်မန်.ပေးနိုင်ပါသည်။