2013-02-17
ရန်ကုန်မြို့တော်အတွက် ဖွံဖြိုးရေးလုပ်ငန်းတွေဆောင်ရွက်ဖို့ ကမာရွတ်မြို့နယ်၊ ဟံသာဝတီ ယာဉ်ရောင်းဝယ်ရေးစခန်းကို လာမယ့် ဖေဖော်ရီလ(၂၀)ရက်နေ့မှာ အပြီးပြောင်းရွှေ့ဖို့အတွက် စည်ပင်သာယာရေးကော်မတီက အကြောင်းကြားလိုက်ပါတယ်။
အခုလို ပြောင်းခိုင်းတာကို ကန့်ကွက်တဲ့အနေနဲ့ ဒီကနေ့ ကားပွဲစားတွေ နဲ့ ဈေးသည်တွေ စုပေါင်းပြီး မပြောင်းရွှေ့ရေး ကော်မတီကို ဖွဲ့စည်းလိုက်ကြပြီး ၊အဲဒီ ကော်မတီက ဆန္ဒထုတ်ဖော်သွားဖို့ ပြင်ဆင်နေတယ်လို့ ဟံသာဝတီ ယာဉ်ရောင်းဝယ်ရေးစခန်း မပြောင်းရွှေ့ရေး ကော်မတီ ဥက္ကဌ ဦးမင်းကိုမြင့် က RFAကို ပြောပါတယ်။
ဟံသာဝတီ ကားရောင်းဝယ်ရေး စခန်းကို ကြည့်မြင်တိုင်မြို့နယ် အတွင်းက ကမ်းနားလမ်းပေါ်မှာ တည်ရှိတဲ့ သီရိမင်္ဂလာ ဈေးဟောင်းကို ပြောင်းရွှေ့ခိုင်းတာဖြစ်ပြီး ဘယ်လို အစီအစဉ်တွေနဲ့ ပြောင်းရွှေ့ပေးမယ်ဆိုတာ မသိရသေးကြောင်း ကော်မတီ တာဝန်ရှိသူတွေက ပြောပါတယ်။
ဟံသာဝတီ ကားရောင်းဝယ်ရေးစခန်းကို ၁၉၉၇ခုနှစ်က တည်ထောင်ခဲ့တာ ဖြစ်ပြီး အဲဒီမှာ နေ့စဉ် လုပ်ကိုင်နေကြတဲ့ ကားပွဲစား လေးထောင် နီးပါး နဲ့ ဈေးဆိုင်ခန်း (၁၀၀)ကျော်ခန့် ရှိပါတယ်။
No comments:
Post a Comment
စာဖတ်သူများကွန်မန်.ပေးနိုင်ပါသည်။