အမေရိကန် ပြည်ထောင်စုက မြန်မာ့တပ်မတော်အား လာမည့်နှစ် Cobra Gold 2013 ပူးတွဲစစ်ရေးလေ့ကျင့်မှုတွင် ပူးပေါင်းပါဝင်ရေးအတွက် ဖိတ်ခေါ်ရန် စီစဉ်ထားသည်ဟု ဘန်ကောက်ပို့စ် သတင်းစာအရ သိရသည်။ Cobra Gold သည်အမေရိကန်စစ်တပ်၏ အရှေ့ပစိဖိတ် ဒေသအတွင်း အာရှနိုင်ငံ အများအပြားမှ စစ်တပ်များနှင့် ပူးတွဲလုပ်ဆောင်သည့် အကြီးဆုံး ပူးတွဲစစ်ဆင်ရေး လေ့ကျင်မှုဖြစ်သည်။
အဆိုပါ စစ်ရေးလေ့ကျင့်မှုသို့ မြန်မာနိုင်ငံအား လေ့လာသူအဖြစ်သာ ဖိတ်ခေါ်ထားသော်လည်း ၄င်းသည်နောက်ဆုံး ဆုံးဖြတ်ချက် မဟုတ်ဟု သိရ သည်။ “မြန်မာက လေ့လာသူစာရင်းထဲမှာပါ ။ဒါပေမယ့် ဒါဟာအပြီးသတ်ဆုံးဖြတ်ချက်မဟုတ်ပါဘူး”ဟု ထိုင်းကာကွယ်ရေး ၀န်ကြီးဌာန ပြောရေး ဆိုခွင့်ရှိသူ ဗိုလ်မှူးကြီး Thanathip Sawangsang ကယနေ့တွင် ထုတ်ဖော်ပြောခဲ့သည်။စစ်ရေးလေ့ကျင့်မှုတွင် ပါဝင်မည့် နိုင်ငံများက မြန်မာအား ဖိတ်ခေါ်ခြင်းပြုရေး၊ မပြုရေး နှင့်ပါတ်သတ်၍ ယခုလနှောင်းပိုင်းတွေ့ဆုံဆွေးနွေး ပွဲတွင် ဆွေးနွေးကြမည်ဟု သိရသည်။
လာမည့်နှစ် Cobra Gold စစ်ရေးလေ့ကျင့်မှုကို ထိုင်းနိုင်ငံက အိမ်ရှင်အဖြစ် ကျင်းပမည်ဖြစ်ပြီး လေ့လာသူ ( ၁၃ )နိုင်ငံအား ဖိတ်ခေါ်ထားကာ အာရှမှ စင်ကာပူ ၊ဂျပန် ၊တောင်ကိုရီးယား၊အင်းဒိုနီးရှားနှင့် မလေးရှားတို့လည်း ပူးတွဲစစ်ရေးလေ့ကျင့်မှုတွင် ပါဝင်မည်ဟု ခန့်မှန်းထားသည်။ စစ်ရေးလေ့ကျင်မှု တွင် ပါဝင်ရန် မြန်မာအား ဖိတ်ခေါ်မည့် အစီအစဉ်မှာ အမေရိကန်တို့၏ အစီအစဉ်ဖြစ်သည်ဟု အမည်မဖော်လိုသူ ထိုင်းအကြီးတန်းစစ်ဘက် အရာရှိ တစ်ဦးက ဆိုသည်။ “အားလုံးအဖွဲ့ဝင်တွေ သဘောတူရင် ၊ဒါဟာ တရားဝင်ဖြစ်မှာပါ( တရား
ဝင်ဖိတ်ခေါ်မှာပါ)”ဟု၎င်းကဆိုသည်။
No comments:
Post a Comment
စာဖတ်သူများကွန်မန်.ပေးနိုင်ပါသည်။