နှစ်သစ်ကူးရုံးပိတ်ရက် ၅ ရက် သတ်မှတ်တာကို စက်မှုဇုန် အလုပ်သမားတွေ ကန့်ကွက်

ရွှေတူးဖော်တဲ့ ဒေသခံ တစ်ဦး သေနတ်ကျည် ထိမှန် သေဆုံး

သေနတ်ကျည်ထိမှန်သေဆုံးခဲ့သူရဲ့ရုပ်အလောင်းကို မတ်လ ၁၉ ရက်နေ့က တွေ့ရစဉ်

Photo: ကိုစိုးထွန်း

ပဲခူးတိုင်းဒေသကြီး၊ ရွှေကျင်မြို့နယ်၊ အောင်ခလိန်ကျေးရွာက ရွှေထွက်ရှိတဲ့နေရာမှာ လုံခြုံရေး ဆောင်ရွက်နေတဲ့ တပ်မတော်သားတစ်ဦးရဲ့သေနတ်ကျည် ထိမှန်ပြီး ဒေသခံတစ်ဦး မနေ့က သေဆုံးသွားတဲ့အတွက် ရွှေကျင်မြို့မ ရဲစခန်းမှာ လူသတ်မှုနဲ့ အမှုဖွင့်ထားပါတယ်။

သေဆုံးသွားသူရဲ့ အစ်ကိုဖြစ်သူက ပုဒ်မ ၃၀၂ နဲ့ လာရောက်အမှုဖွင့်ထားပြီး တပ်မတော်ရဲ့စည်းကမ်း၊ လုပ်ထုံး လုပ်နည်းတွေနဲ့ အညီဆောင်ရွက်သွား ရမှာ ဖြစ်တယ်လို့ ရွှေကျင်မြို့နယ် ရဲစခန်းမှူး ဦးသန်းထွန်း က ပြောပါတယ်။

TNLA က ဒေသခံ ၉ဝ ကျော်ကို ဖမ်းဆီးမှု အရပ်ဘက်အဖွဲ့တွေ ကန့်ကွက်

ရှမ်းပြည်နယ်မြောက်ပိုင်းမှာ TNLA တအာင်းအမျိုးသား လွတ်မြောက်ရေး တပ်မတော်တပ်ဖွဲ့ဝင်တချို့ ကင်းလှည့်နေစဉ်

Photo: Kan Thar/RFA

တအာင်းလွတ်မြောက်ရေးတပ်မတော် TNLA က ရှမ်းပြည်နယ် မန်တုံနဲ့ နမ္မတူမြို့နယ်တွေက ရှမ်းတိုင်းရင်း သားဒေသခံ အယောက် ၉၀ ကျော်ကို ဖမ်းဆီခဲ့တဲ့ ကိစ္စနဲ့ပတ်သက်ပြီး ရှမ်းလူထု အဖွဲ့အစည်းတွေက ကန့်ကွက်ကြောင်း ကြေညာချက် ထုတ်ပြန်လိုက်ပါတယ်။

တအာင်း/ပလောင် တိုင်းရင်းသားတွေနဲ့ ရှမ်းတိုင်းရင်းသားတွေကြားက သဘောထား တင်းမာမှုတွေ ကို လျှော့ချပေးနိုင်အောင် လုပ်ဆောင်ကြဖို့ ဒီလိုထုတ်ပြန် ရတာဖြစ်တယ်လို့ ကြေညာချက်ထုတ်ရာမှာ ပါဝင်တဲ့ ကော်တိုင်းအဖွဲ့ဝင် စိုင်းလျှမ်းခမ်းက ပြောပါတယ်။

တောင်သူတွေရဲ့ သပိတ်စခန်း ကို ပြန်လည်ရုပ်သိမ်း

ပဲခူးတိုင်းဒေသကြီး ပြည်မြို့နယ် အနောက်လက္ခုပ္ပင်ကျေးရွာက တောင်သူတွေ အသိမ်းခံထားရတဲ့ မြေတွေပေါ်မှာ မတ်လ ၁၇ ရက်နေ့က သပိတ်စခန်းဖွင့်ထားစဉ်

Photo: Zaw Htun (facebook)

ပဲခူးတိုင်းဒေသကြီး ပြည်မြို့နယ် အနောက်လက္ခုပ္ပင်ကျေးရွာမှာ သိမ်းဆည်းခံရတဲ့မြေတွေမှာ Delicious Food ကုမ္ပဏီက ၀င်ရောက်ပြီး ကြံစိုက်နေတာတွေကို ရပ်တန့်ပေးမယ်လို့ ကတိပေးတာ ကြောင့် မြေသိမ်းခံတောင်သူ ၂၀ နီးပါးရဲ့ သပိတ်စခန်းကို ရုပ်သိမ်းလိုက်ပါတယ်။

ခရိုင်အုပ်ချုပ်မှူးက သပိတ်စခန်းဖွင့်ထားတဲ့ တောင်သူတွေနဲ့ ကုမ္ပဏီတာဝန်ရှိသူတွေကို မနေ့ညနေက ခေါ်တွေ့ပြီး အဲဒီမြေတွေကို စားကျက်မြေအဖြစ် သတ်မှတ်ထားတာကြောင့် ဘယ်သူမှ ၀င်ရောက် မကျုးကျော်ဖို့ ပြောခဲ့တယ်လို့ တောင်သူ ဦးမျိုးနိုင် က ပြောပါတယ်။

စိတ်ကြွဆေးပြား သယ်ဆောင်မှုနဲ့ မြန်မာ ၆ ဦး ဘင်္ဂလားဒေ့ရ်ှမှာ ဖမ်းခံရ

ယခင်က ဖမ်းဆီး ရမိထားသည့် စိတ်ကြွဆေးပြားများ။

တနင်္ဂနွေနေ့ အစောပိုင်းက ဘင်္ဂလားဒေ့ရ်ှနိုင်ငံ ဆိပ်ကမ်းမြို့ဖြစ်တဲ့ Chittagong ကို သယ်ဆောင်လာတဲ့ ယာဘ စိတ်ကြွဆေးပြားပေါင်း ၆၀၀,၀၀၀ ကို RAB ဘင်္ဂလားဒေ့ရှ် ရာဇ၀တ်မှု နှိမ်နင်းရေးအထူးတပ်ဖွဲ့က သိမ်းဆီးရမိခဲ့ပါတယ်။

ဒါနဲ့ပတ်သက်ပြီး သံသယရှိသူ မြန်မာနိုင်ငံသား ခြောက်ဦးအပါအ၀င် စုစုပေါင်း ရှစ်ဦးကို ဖမ်းဆီးထားကြောင်း RAB အရာရှိတဦးက ဆင်ဟွာ သတင်းဌာနကို ဖြေကြားခဲ့ပါတယ်။

ဖရဲသီးများဖြင့် ဖုံးအုပ်သယ်ဆောင်လာသော ခန့်မှန်းတန်ဖိုး ငွေကျပ်သန်း ၃၅၀ ခန့်ရှိ ကျောက်စိမ်းရိုင်း နှစ်တုံး သိမ်းဆည်းရမိ

မန္တလေး မတ် ၁၉

မန္တလေး-မူဆယ် ပြည်ထောင်စုလမ်းမကြီး မိုင်တိုင်အမှတ်(၁၉၅/၅)မိုင်အနီး အနောက်ဘက် ၂ မိုင်ခန့် အကွာ တောတွင်းတစ်နေရာတွင်မတ် ၁၈ ရက်က မသင်္ကာဖွယ်ရာမစ်ဆူဘီရှီဖူဆို ၁၂ ဘီးယာဉ် တစ်စီး ရပ်တန့်ထားသည်ကို စစ်ဆေးခဲ့ရာယာဉ်ပေါ်တွင် ဖရဲသီးများနှင့်ဖုံးအုပ်ကာ တင်ဆောင်ထားသည့် ခန့်မှန်း တန်ဖိုး ငွေကျပ်သန်း ၃၅၀ခန့်ရှိ ကျောက်စိမ်းရိုင်းတုံး နှစ်တုံးဖမ်းဆီးရမိခဲ့ကြောင်း အကောက်ခွန်ဦးစီးဌာနမှ သိရသည်။

ဘီးခွန်ကောက်ခံသည့် စနစ်ကို ပြည်နယ်တစ်ခုလုံး အတိုင်းအတာဖြင့် ဖျက်သိမ်းမည်

လွိုင်ကော် မတ် ၁၉

ကယားပြည်နယ်၌ ပုဂ္ဂလိကလုပ်ငန်းရှင်များအား တင်ဒါခေါ်ယူကာ လုပ်ကိုင်ခွင့်ပြုထားသော ဘီးခွန် ကောက်ခံသည့် စနစ်ကို ပြည်နယ်တစ်ခုလုံး အတိုင်း အတာဖြင့် ဖျက်သိမ်းသွားမည်ဖြစ် ကြောင်း က ယားပြည် နယ် လွိုင်ကော်မြို့နယ် စည်ပင်သာယာရေးကော်မတီမှ တာဝန် ရှိ သူ တစ်ဦး ကပြောသည်။

ယင်းဒေသအတွင်းရှိ ဘီးခွန်ကောက်ခံသော ဂိတ်များကို ဧပြီ ၁ ရက်မှ စတင်ကာ ဖျက်သိမ်းသွားမည်ဖြစ်ပြီး ယင်းနောက်တွင် မော်တော်ယာဉ်များ အတွက် ဘီးခွန်များကို ယာဉ်လိုင်စင်သက် တမ်းတိုးချိန်တွင် တစ်ခါ တည်းပေးဆောင်စေရန် စီစဉ်ထားကြောင်း၊လက်ရှိဘီးခွန် ကောက်ခံရာတွင် ဂိတ် တစ်ဂိတ်ကိုဖြတ်သန်း သည့် မော်တော် ဆိုင်ကယ်တစ်စီးကို ငွေ ကျပ် ၂ဝဝ၊ မော်တော်ယာဉ်တစ်စီးလျှင် ငွေကျပ် ၃ဝဝ မှ ၁ဝဝဝ အထိ သတ်မှတ် ကောက် ခံကြောင်း သိရသည်။

သီပေါမြို့နယ် ဘော်ကြိုနှင့် ကျင်သီကျေးရွာကြား မိုင်တိုင် (၁၂၃)တွင် ရီမုတ်မိုင်းတစ်လုံးတွေ့ရှိ

သီပေါ မတ် ၁၂

ရှမ်းပြည်နယ်(မြောက်ပိုင်း) သီပေါမြို့နယ် ဘော်ကြိုကျေးရွာနှင့် ကျင်သီကျေးရွာကြား မန္တလေး-လားရှိုး-မူဆယ်သွား ပြည်ထောင်စုလမ်းမကြီး မိုင်တိုင်အမှတ် (၁၂၃) အေသုံးလုံးကွေ့ ကျင်သီချောင်းတံတားအနီး ကားလမ်းမကြီး၏တောင်ဘက် ၁၅ ပေခန့်တွင် မတ် ၁၂ ရက် မွန်းလွဲ ၁ နာရီက လျှပ်စစ်ဝန်ထမ်းတစ်ဦးက ဓာတ်တိုင်ပေါ်တက်၍ လျှပ်စစ်မီးပြင်ရာမှ ဓာတ်တိုင်အနီး ချုံပုတ်အတွင်း၌ အမြင့်ခုနစ်လက်မ၊ ဗြက်လေးလက်မ၊ အလျား ၁ဝ လက်မရှိ ဒေသန္တရမိုင်း (ရီမုတ်မိုင်း)တစ်လုံး တွေ့ရှိခဲ့သည်။

အဆိုပါ တွေ့ရှိရသည့် မိုင်းကို နယ်မြေခံတပ်ရင်းနှင့် မြို့နယ်တာဝန်ရှိသူ များ သွားရောက်စစ်ဆေး၍ Water Bottle နည်းဖြင့် အသက်မဲ့အောင် ဖျက်ဆီးခဲ့ကြောင်း သိရသည်။

စိုင်း(သီပေါ)
The Mirror Daily
https://www.facebook.com/TheMirrorDaily/

ဆီဆိုင်မြို့ မှာ ပွဲပြန် ဆိုင်ကယ်နှင့် ထော်လာဂျီတိုက်မိ တစ်ဦး သေဆုံး

(12-3-2017)

မတ်လ (၁၂)ရက်နေ့ ည ၈း၃၀ နာရီခန့်လောက်က ရှမ်းပြည်တောင်ပိုင်း ဆီဆိုင်မြို့ တောင်ဖက် နီလာရိုးမစက်သုံးဆီ အရောင်းဆိုင် တောင်ဖက် မီတာ ၂၀၀ခန့် အကွာမှာ ပုံးလောင်းဒဲဉ်သီးလာဗွေ ပွဲ မှ ပြန်လာသော ဆီဆိုင်မြို့ အောင်ချမ်းသာရပ်ကွက်မှ ကိုကိုဝင်း မောင်းနှင်လာသည့် မော်တော်ဆိုင်ကယ်နှင့် ပုံးလောင်းပွဲသို့လာသော ထော်လာဂျီတို့ တိုက်မိပြီး ကိုကိုဝင်းမှာ နေရာတွင် ပွဲချင်ပီး သေဆုံးသွားခဲ့ပါတယ်။

ရွှေစက်တော် အထက်စက်တော်ရာတွင် ဘုရားဖူးယာဉ် တိမ်းမှောက်၍ တစ်ဦးသေဆုံး

မန်းရွှေစက်တော်ဘုရားပွဲတော် အထက်စက်တော်ရာအတက်လမ်း သုံးထပ်ဆောင် ဗိမ္မာန်အနီးတွင် မတ်လ (၁၂)ရက် နံနက် (၁၀)နာရီအချိန်ခန့်က ဘုရားဖူးယာဉ် တိမ်းမှောက်ကာ တစ်ဦးသေဆုံးပြီး (၆)ဦး ဒဏ်ရာရရှိသွားကြောင်း သိရသည်။

“တပေါင်းလပြည့်နေ့ဆိုတော့ ဘုရားဖူး တော်တော်များတယ်။ ကားတွေကလည်း ပြည့်ကြပ်နေအောင် တင်ကြတယ်။ အခုဖြစ်တာက အထက်စက်တော်ရာကို အတက်မှာ ဖြစ်သွားတာ။ အတက်မှာ မတက်နိုင်ဘဲ တုံးလုံးလဲသွားတာ” ဟု မင်းဘူး/စကုမြို့နယ်ကြက်ခြေနီသူနာပြုတပ်ရင်း ဒုတိယတပ်ရင်းမှူးတင်ညွှန့်က တာချီလိတ်သတင်းအေဂျင်စီသို့ ပြောသည်။

အဆိုပါ ဘုရားဖူးယာဉ်မှာ တောင်တွင်းကြီးမှ ထွက်လာသည့် လိုက်ထရပ် ဘုရားဖူးယာဉ်ဖြစ်ပြီး ဘုရားဖူး ခရီးသည်(၃၀)ခန့် တင်ဆောင်လာခြင်းဖြစ်ကြောင်း သိရသည်။

ယာဉ်တိမ်းမှောက်မှုကြောင့် တောင်တွင်းကြီးမြို့မှ ကိုကြည်နိုင်ဆိုသူမှာ နေရာတွင် သေဆုံးသွားပြီး ကျား(၃)ဦး၊ မ(၃)ဦး ဒဏ်ရာ ရသွားကြောင်း မင်းဘူး/ စကုမြို့နယ် ကြက်ခြေနီသူနာပြုတပ်ရင်း ဒုတိယတပ်ရင်းမှူးတင်ညွှန့်ထံမှ သိရသည်။

ဒဏ်ရာရသူများအား ဆေးကုသမှုခံယူရန် မင်းဘူးဆေးရုံသို့ ပို့ဆောင်ထားကြောင်း သိရသည်။

သတင်း - ဖီးနစ်
Tachileik News Agency
http://www.tachileik.net/2017/03/sst.htmlမန်းရွှေစက်တော်ဘုရားပွဲတော် အထက်စက်တော်ရာအတက်လမ်း သုံးထပ်ဆောင် ဗိမ္မာန်အနီးတွင် မတ်လ (၁၂)ရက် နံနက် (၁၀)နာရီအချိန်ခန့်က ဘုရားဖူးယာဉ် တိမ်းမှောက်ကာ တစ်ဦးသေဆုံးပြီး (၆)ဦး ဒဏ်ရာရရှိသွားကြောင်း သိရသည်။

“တပေါင်းလပြည့်နေ့ဆိုတော့ ဘုရားဖူး တော်တော်များတယ်။ ကားတွေကလည်း ပြည့်ကြပ်နေအောင် တင်ကြတယ်။ အခုဖြစ်တာက အထက်စက်တော်ရာကို အတက်မှာ ဖြစ်သွားတာ။ အတက်မှာ မတက်နိုင်ဘဲ တုံးလုံးလဲသွားတာ” ဟု မင်းဘူး/စကုမြို့နယ်ကြက်ခြေနီသူနာပြုတပ်ရင်း ဒုတိယတပ်ရင်းမှူးတင်ညွှန့်က တာချီလိတ်သတင်းအေဂျင်စီသို့ ပြောသည်။

တိုက်ပွဲတွေကြောင့် လောက်ကိုင် မြို့နယ်မှာ အလုပ်သမား ၇၀ ကျော် ပိတ်မိနေ

ရှမ်းပြည်နယ် ကိုးကန့်ကိုယ်ပိုင်အုပ်ချုပ်ခွင့်ရဒေသ လောက်ကိုင်မြို့နယ်မှာ တိုက်ပွဲတွေကြောင့် ပိတ်မိနေတဲ့ အလုပ်သမား ဦးရေ ၃ ထောင်လောက်ကို ကယ်ဆယ်နိုင်ခဲ့ပြီး ပိတ်မိနေသူ ၇၀ ကျော် ရှိနေသေးတယ်လို့ ကယ်ဆယ်ရေးဆောင်ရွက်နေတဲ့ မြန်မာနိုင်ငံ ကြက်ခြေနီအသင်းက ပြောပါတယ်။

တိုက်ပွဲတွေကြောင့် ရန်လုံကျိုင်းနဲ့ မန်တုံ ကျေးရွာတွေဘက်မှာ ပိတ်မိနေတဲ့သူတွေရှိပေမယ့် လုံခြုံရေးစိုးရိမ်ရ တာကြောင့် သွားမခေါ်နိုင်တဲ့အခြေအနေ ဖြစ်နေတယ်လို့ လောက်ကိုင်ခရိုင် ကြက်ခြေနီဦးစီးမှူး တတိယတန်း ဦးစောရွှေမြင့်က ပြောပါတယ်။

တစ်နှစ်အတွင်း ရတနာအခွန် ၁၂ ဘီလျံကျော်ရရှိကြောင်း ကချင်ပြည် နယ်ဝန်ကြီးချုပ် ပြော

ကချင်ပြည်နယ်မှာ တစ်နှစ်အတွင်း ငွေကျပ် ၆၅ ဘီလျံကျော် တန်ဖိုးရှိတဲ့ ကျောက်စိမ်းတန်ချိန် ၂ သောင်းကျော် ထုတ်ယူနိုင်ခဲ့ပြီး ရတနာအခွန်အဖြစ် စုစုပေါင်း ကျပ် ၁၂ ဘီလျံကျော် ကောက်ခံရရှိခဲ့ကြောင်း ပြည်နယ် ဝန်ကြီးချုပ် ဒေါက်တာခက်အောင် က ပြောပါတယ်။

အစိုးရသစ်ရဲ့ တစ်နှစ်တာကာလအတွင်း ဆောင်ရွက်ချက်တွေကို မနေ့ညက မြန်မာ့အသံနဲ့ ရုပ်မြင်သံကြား ကနေ ပြည်သူလူထုထံ အစီရင်ခံတင်ပြတဲ့အထဲမှာ ထည့်သွင်းပြောကြားခဲ့တာဖြစ်ပါတယ်။

အပြည်ပြည်ဆိုင်ရာအမျိုးသမီး များနေ့ ချီတက်တောင်းဆိုပွဲ အလုပ်သမ တစ်ထောင်ခန့် ပါဝင်

စက်ရုံအလုပ်သမ တစ်ထောင်ခန့် မတ်လ ၁၂ ရက်နေ့က ရန်ကုန်မြို့ လှိုင်သာယာမြို့နယ်မှာ ဆန္ဒပြတောင်းဆိုနေစဉ်
Photo: Khine Zar

စက်ရုံ အလုပ်ရုံတွေမှာ အလုပ်လုပ်ကိုင်နေတဲ့ ကိုယ်ဝန်ဆောင်အမျိုးသမီးတွေ ခွင့်ရက် ၁၂၀ ခံစားခွင့်ရရှိဖို့နဲ့ လုပ်ငန်းခွင်မှာ တန်းတူအခွင့်အရေးရရှိဖို့ စက်ရုံအလုပ်သမ တစ်ထောင်ခန့်က ဒီနေ့ ရန်ကုန်တိုင်းဒေသကြီး လှိုင်သာယာမြို့နယ်မှာ ဆန္ဒပြတောင်းဆိုကြပါတယ်။

လက်ရှိဥပဒေမှာ ကိုယ်ဝန်ဆောင်အမျိုးသမီး အလုပ်သမားတွေ ခွင့်ရက် ၉၀ ကျော်သာ ရရှိတာကြောင့် မိခင်တွေ နို့ချိုတိုက်ကျွေးတဲ့ကာလ ပိုမိုရရှိဖို့ ရည်ရွယ်ပြီး တောင်းဆိုတာလို့ ဆန္ဒပြပွဲစီစဉ်သူ မခိုင်ဇာအောင် က ပြောပါတယ်။

စနစ်တကျရေဆိုးမစွန့်ပစ်သလို စွန့်ပစ်မှုနည်းလမ်းမမှန်တဲ့ အရက်ချက်စက်ရုံ ၇၀ နီးပါးရှိ

မန္တလေးစက်မှုဇုန်က ရေဆိုးတွေကို ဒုဋ္ဌဝတီမြစ်ထဲ စွန့်ပစ်နေစဉ်

Photo: Hset Paing Toe/RFA

တစ်နိုင်ငံလုံးမှာရှိတဲ့ အရက်ချက်စက်ရုံ ၇၃ ရုံထဲမှာ စက်ရုံအများစုက ရေဆိုးစနစ်တကျစွန့်ပစ်မှု မရှိသလို စွန့်ပစ်မှုနည်းလမ်းမမှန်ဘူးလို့ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ကျော်ထွန်းက ပြောပါတယ်။

ရေဆိုးစွန့်ပစ်မှုတွေကို လေ့လာနေတဲ့ မြန်မာအစိမ်းရောင်ပုံရိပ်များအဖွဲ့ရဲ့ တင်ပြချက်အရ လေးရုံသာ စနစ်တကျ လုပ်နေပြီး ကျန်တဲ့စက်ရုံတွေက နည်းလမ်းမှန်ကန်မှုမရှိဖြစ်နေတယ်လို့ ဦးကျော်ကျော်ထွန်းက ပြောပါတယ်။

"အခုဒီလေးရုံပဲရှိသေးတယ်လို့သိရတယ်။ ဒါပေမယ့် ဘီယာစက်ရုံတွေလည်းရှိသေးတယ်လို့ပြောတယ် အဲ့ဒါ တွေက မသွားရသေးဘူး။ တချို့စက်ရုံတွေက လုပ်တယ် ဒါပေမယ့် နည်းလမ်းမမှန်ဘူးပေါ့ တချို့က ရေကို PH လျှော့ချဖို့ ထုံးတွေရောတာတို့ ကန်တွေနဲ့ လုပ်တာတို့ ဒလက်တွေနဲ့လုပ်တာတို့ နည်းစဉ် မမှန်ဘူးပေါ့ "

တရားမဝင်သစ်ထုတ်တဲ့ တရုတ်နိုင်ငံသား ၁၁ ဦးကို တပ်မတော် ဖမ်းဆီး

ဖမ်းဆီးရမိထားတဲ့ တရုတ်နိုင်ငံသား ၁၁ ဦးကို တွေ့ရစဉ်

Photo: တပ်မတော်ကာကွယ်ရေးဦးစီးချုပ်ရုံး/ 

ကချင်ပြည်နယ် ဗန်းမော်ခရိုင် မံစီမြို့နယ်မှာ တရားမ၀င်သစ်ခိုးထုတ်နေတဲ့ တရုတ်နိုင်ငံသား ၁၁ ဦး နဲ့ သစ်တင်ယာဉ်ယန္တရားမျိုးစုံ ၉၉ စီးကို တပ်မတော်က မနေ့က ဖမ်းဆီးရမိခဲ့တယ်လို့ တပ်မတော် ကာကွယ်ရေးဦးစီးချုပ်ရုံးက သတင်းထုတ်ပြန်ပါတယ်။

ဖမ်းဆီးရမိတဲ့ တရုတ်နိုင်ငံသား ၁၁ ဦးကို တပ်မတော်က ရဲတပ်ဖွဲ့ထံ လွှဲပြောင်းပေးထားကြောင်း ဗန်းမော်ခရိုင် ရဲတပ်ဖွဲ့မှူး ဒုတိယရဲမှူးကြီး အေးသွင် က ပြောပါတယ်။